કામરેજ નજીક નેશનલ હાઈવે 48 પર ટ્રેલર પલટી મારતાં અફરાતફરી

કામરેજ નજીક ખોલવડ પાસે નેશનલ હાઈવે નંબર 48 પર એક ગંભીર અકસ્માત સર્જાયો છે. પ્રાપ્ત માહિતી અનુસાર, ટ્રેલરનું ટાયર ફાટવાને કારણે ચાલકે વાહન પરનો કાબૂ ગુમાવ્યો હતો અને ટ્રેલર હાઈવે પર પલટી મારી ગયું હતું.

આ અકસ્માતને પગલે નેશનલ હાઈવે પર વાહનવ્યવહાર ખોરવાયો હતો અને વાહનચાલકોમાં ભારે ચકચાર મચી ગઈ હતી. ટ્રેલર પલટી મારવાથી હાઈવે પર ટ્રાફિક જામની સ્થિતિ સર્જાઈ હતી.

જોકે, આ અકસ્માતમાં કોઈ જાનહાનિ થઈ છે કે કેમ તે અંગે હાલ કોઈ સ્પષ્ટ માહિતી પ્રાપ્ત થઈ નથી. અકસ્માતના પગલે સ્થાનિક લોકો અને પોલીસ ઘટનાસ્થળે પહોંચી ગયા હતા અને પરિસ્થિતિને કાબૂમાં લેવાના પ્રયાસો હાથ ધર્યા હતા.