નેશનલ હાઈવે-48 પર ચલથાણ બ્રિજ પર ટ્રકનો ફાળકો તૂટ્યો, માલસામાન રસ્તા પર વેરવિખેર

નેશનલ હાઈવે નંબર-48 પર ચલથાણ રેલવે બ્રિજ પર સર્વિસ રોડ પર એક ટ્રકનો ફાળકો તૂટી જવાની ઘટના બની છે. આ ઘટનાને કારણે ટ્રકમાં ભરેલો માલસામાન રસ્તા પર વેરવિખેર થઈ ગયો હતો.

પ્રાપ્ત માહિતી અનુસાર, ટ્રક નંબર GJ 36 V 2492ના એક તરફના ફાળકામાં ખામી સર્જાતા આ દુર્ઘટના બની હતી. ફાળકો તૂટી જતાં તેમાં ભરેલો માલસામાન એક તરફ ઢળી પડ્યો હતો, જેના કારણે હાઈવે પર વાહનવ્યવહારને અસર થઈ હતી.

આ ઘટનાના પગલે સ્થાનિક તંત્ર દ્વારા તાત્કાલિક ધોરણે સ્થળ પર પહોંચી પરિસ્થિતિનો તાગ મેળવવામાં આવ્યો હતો. માલસામાનને વ્યવસ્થિત કરવાની અને વાહનવ્યવહારને પુનઃસ્થાપિત કરવાની કામગીરી હાથ ધરવામાં આવી હતી.