હવામાન વિભાગે 48 કલાક માટે ભારે વરસાદનું એલર્ટ જાહેર, દક્ષિણ ગુજરાત અને ઉત્તર પ્રદેશમાં જોખમ વધ્યું

હવામાન વિભાગે આગામી 48 કલાક માટે ભારે વરસાદનું એલર્ટ જાહેર કર્યું છે. બંગાળની ખાડીમાં સક્રિય થયેલી નવી સિસ્ટમને કારણે દક્ષિણ ગુજરાતમાં અતિભારે વરસાદની આશંકા છે.

ભરૂચ, સુરત અને નવસારીમાં ભારે વરસાદની ચેતવણી સાથે સૌરાષ્ટ્રના દરિયાકાંઠે 50 કિમી/કલાકની ઝડપે પવન ફૂંકાઈ શકે છે.

ઉત્તર પ્રદેશના પૂરગ્રસ્ત 26 જિલ્લાઓ અને બિહારના 14 જિલ્લાઓમાં સ્થિતિ વધુ વણસી શકે છે, જ્યાં ગંગા-કોસી સહિતની નદીઓ ઉફાન પર છે.

મધ્યપ્રદેશના ઉજ્જૈન અને ધાર સહિત 15 જિલ્લાઓમાં ભારે વરસાદની ચેતવણી સાથે ચિત્રકૂટમાં મંદાકિની નદીનું જળસ્તર ભયજનક સપાટીએ પહોંચ્યું છે. તંત્રએ લોકોને સાવચેત રહેવા અપીલ કરી છે.