🔥 TRENDING 12 Kota Sikhs Depart for Pakistan Afte... किरकिचिया पंचायत के मुखिया प्रतिनिधि क... ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ - ಯರಗು... रमेश सिंह फौजी ने बलिया में 2027 विधान... भवठड़ी के वार्ड 14 में संतोष शेखावत का... Chhattisgarh CM Orders Crop‑Loss Surve...
21 Nov 2026•
ગુજરાતી मराठी ਪੰਜਾਬੀ বাংলা
સુરતમાં રસ્તા પર ચાલતા 45 વર્ષીય યુવક અચાનક ઢળી પડ્યા, કરુણ મોત
Local

સુરતમાં રસ્તા પર ચાલતા 45 વર્ષીય યુવક અચાનક ઢળી પડ્યા, કરુણ મોત

✍️ Reporter: Maheta Dhavalkumar Jitendrabhai 🗓 28 Sep 2026, 01:56 PM 👁 82
Watch on: ▶️ YouTube
Share: 💬 WhatsApp 📘 Facebook 𝕏 Post

કાપોદ્રા નાના વરાછા ખાતે એક અપરિણીત યુવક રસ્તા પર ચાલતા ચાલતા અચાનક બેભાન થઈને ઢળી પડ્યો હતો, જેના કારણે તેનું દુઃખદ મૃત્યુ થયું હતું. આ સમગ્ર ઘટના સીસીટીવીમાં કેદ થઈ છે.

સુરત શહેરમાં અચાનક ચક્કર આવીને રસ્તા પર ઢળી પડવાની અને મોત નીપજવાની ઘટનાઓમાં સતત ચિંતાજનક વધારો થઈ રહ્યો છે. આવી જ એક હૃદયદ્રાવક ઘટના કાપોદ્રાના નાના વરાછા ખાતે સામે આવી છે, જ્યાં રસ્તા પરથી પસાર થઈ રહેલા 45 વર્ષીય અપરિણીત યુવક અચાનક ઢળી પડતાં તેનું કરુણ મોત નીપજ્યું હતું. આ સમગ્ર ઘટના નજીકના સીસીટીવી કેમેરામાં કેદ થઈ ગઈ હતી.

પ્રાપ્ત માહિતી અનુસાર, દિન દયાલ નગર વિસ્તારમાં રહેતા અને કાપોદ્રા વિસ્તારમાં રખડતું જીવન ગુજારતા 45 વર્ષીય પિંટુ બુધાભાઈ રાઠોડ રસ્તા પર ચાલીને જઈ રહ્યા હતા. તે દરમિયાન કાપોદ્રા નાના વરાછા ઢાળ પાસે તેઓ અચાનક ચક્કર આવતાં રસ્તા પર ફસડાઈ પડ્યા હતા. તેમની સાથે રહેલા અન્ય એક યુવકે તેમને બચાવવા માટે બે વાર ઊંચા કરી ઊભા કરવાનો પ્રયાસ કર્યો હતો, પરંતુ તેઓ ફરીથી રસ્તા પર ઢળી પડ્યા હતા અને ગણતરીની મિનિટોમાં જ તેમનું મૃત્યુ થયું હતું.

પ્રાથમિક તબક્કે એવી આશંકા વ્યક્ત કરવામાં આવી રહી છે કે પિંટુભાઈ છેલ્લા થોડા દિવસોથી કમળા સહિતની અન્ય શારીરિક બીમારીઓથી પીડાતા હતા. તેઓ અપરિણીત હતા અને કોઈ સ્થિર કામ-ધંધો કરતા નહોતા. તેઓ રખડતું-ભટકતું જીવન ગુજારીને વિસ્તારમાં રહેતા તેમના સગા-સંબંધી કે બહેનના ઘરે ભોજન લેતા હતા. બીમારી અને અચાનક આવેલી નબળાઈના કારણે તેઓ રસ્તા પર બેભાન થઈને ઢળી પડ્યા હોવાનું અનુમાન લગાવવામાં આવી રહ્યું છે.
📲Get App