తణుకు: ఫైనాన్స్, చిట్స్ పేరుతో రూ.43 కోట్ల మోసం.. తండ్రీకొడుకులు అరెస్ట్

ఫైనాన్స్, చిట్స్ పేరుతో ప్రజల నుంచి రూ.43 కోట్లు వసూలు చేసి మోసం చేసిన వ్యాపారి గోలి శ్రీనివాసరావు, అతని కుమారుడు బాల భవాని శంకర్లను పోలీసులు అరెస్టు చేశారు. వీరిని శుక్రవారం హైకోర్టు వద్ద అదుపులోకి తీసుకొని తణుకు తరలించారు. వీరిపై ఇప్పటికే పలు కేసులు నమోదై ఉన్నాయి.

శనివారం రాత్రి తణుకు న్యాయమూర్తి ముందు వీరిని హాజరుపరచగా, న్యాయమూర్తి 14 రోజుల రిమాండ్ విధించారు. అనంతరం వీరిని రాజమండ్రి సెంట్రల్ జైలుకు తరలించినట్లు సీఐ జేవీ రమణ తెలిపారు.

ఈ మోసం కేసులో తండ్రీకొడుకులను అరెస్టు చేసి రిమాండ్కు తరలించినట్లు సీఐ తెలిపారు.