ગુજરાતમાં હાર્ટની નકલી દવાઓનું મોટું કૌભાંડ ઝડપાયું: 42 વિતરકો પર FDCAના દરોડા, 7.20 લાખ ટેબલેટ જપ્ત

ગુજરાત ફૂડ એન્ડ ડ્રગ્સ કંટ્રોલ એડમિનિસ્ટ્રેશન (FDCA) દ્વારા રાજ્યભરમાં એક મોટી કાર્યવાહી હાથ ધરવામાં આવી છે. આ કાર્યવાહી દરમિયાન હાર્ટની નકલી દવાઓનું વેચાણ કરતા 42 વિતરકોને નિશાન બનાવવામાં આવ્યા હતા.

FDCAની ટીમે આ દરોડા દરમિયાન કુલ 7.20 લાખ નકલી ટેબલેટ જપ્ત કરી છે. હૃદયના દર્દીઓ માટે અત્યંત જોખમી સાબિત થઈ શકે તેવી આ નકલી દવાઓ બજારમાં પહોંચે તે પહેલા જ તંત્ર દ્વારા તેને અટકાવી દેવામાં આવી છે.

તંત્ર દ્વારા આ મામલે કડક તપાસ શરૂ કરવામાં આવી છે અને નકલી દવાઓના નેટવર્ક સાથે સંકળાયેલા અન્ય લોકોની શોધખોળ હાથ ધરવામાં આવી છે. દર્દીઓના સ્વાસ્થ્ય સાથે ચેડાં કરનારાઓ સામે કાયદેસરની કાર્યવાહી કરવાની ખાતરી આપવામાં આવી છે.