નડિયાદમાં નવરંગ નવરાત્રી મહોત્સવમાં 40,000 થી વધુ લોકો જોડાયા

નડિયાદ શહેરમાં આયોજિત નવરંગ નવરાત્રી મહોત્સવ તેના સાતમા દિવસે પણ ભારે ઉત્સાહ સાથે સંપન્ન થયો. આ મહોત્સવમાં અંદાજે 40,000 થી વધુ નાગરિકોએ ભાગ લઈને ગરબાની રમઝટ માણી હતી. આ ભવ્ય આયોજનમાં લોકોના ઉત્સાહને વધારવા માટે નડિયાદના લોકલાડીલા ધારાસભ્ય શ્રી પંકજ ભાઈ દેસાઈ ઉપસ્થિત રહ્યા હતા અને તેમણે જનતાને સારો સાથ સહકાર આપ્યો હતો.

મહોત્સવ દરમિયાન કાયદો અને વ્યવસ્થા જાળવવા માટે પોલીસ, હોમગાર્ડ અને સુરક્ષા ગાર્ડ (બાઉન્સર) દ્વારા ઉત્તમ વ્યવસ્થા ગોઠવવામાં આવી હતી. આ તમામ ટીમોએ જનતાને સુરક્ષિત અને આનંદમય વાતાવરણ પૂરું પાડવા માટે સારો સહકાર આપ્યો હતો. લોકોએ પણ આ વ્યવસ્થાને બિરદાવી હતી.

નવરંગ નવરાત્રી મહોત્સવ નડિયાદના સાંસ્કૃતિક વારસાને ઉજાગર કરતો એક મહત્વપૂર્ણ કાર્યક્રમ બની રહ્યો છે, જેમાં દર વર્ષે મોટી સંખ્યામાં લોકો જોડાય છે અને ઉત્સાહભેર ભાગ લે છે.