రూ. 40 కోట్ల మోసం కేసులో చిట్స్ వ్యాపారి శ్రీనివాసరావు అరెస్ట్

తణుకు పరిసర ప్రాంతాల్లో సుమారు రూ. 40 కోట్ల మేర చిట్స్, ఫైనాన్స్ వ్యాపారంలో మోసాలకు పాల్పడినట్లు ఆరోపణలు ఎదుర్కొంటున్న గోలి శ్రీనివాసరావును పోలీసులు అదుపులోకి తీసుకున్నారు. అతనిపై ఇప్పటికే వందలాది మంది బాధితులు ఫిర్యాదులు చేయడంతో పలు కేసులు నమోదయ్యాయి.

శ్రీనివాసరావు దాఖలు చేసుకున్న ముందస్తు బెయిల్ పిటిషన్ను హైకోర్టు శుక్రవారం కొట్టివేసింది. ఈ నేపథ్యంలో, హైకోర్టు వద్దనే పోలీసులు శ్రీనివాసరావును అదుపులోకి తీసుకుని తణుకు తరలించారు.

అరెస్టు అనంతరం శ్రీనివాసరావును రిమాండ్కు తరలిస్తామని తణుకు సీఐ రమణ తెలిపారు. ఈ కేసులో మరిన్ని వివరాలు తెలియాల్సి ఉంది.