દક્ષિણ-પશ્ચિમ ચોમાસાની ગુજરાતમાં પુનરાગમન, 4 ઓક્ટોબર સુધી વરસાદની આગાહી

દક્ષિણ-પશ્ચિમ ચોમાસાની સક્રિયતા ફરી વધી છે અને તેની વાપસીની રેખા હાલ ગુજરાતના ડીસા અને નળિયા વિસ્તારમાંથી પસાર થઈ રહી છે. આ સાથે, મધ્ય ઉત્તર પ્રદેશ પર સક્રિય લો પ્રેશર અને સાયક્લોનિક સર્ક્યુલેશન સિસ્ટમ આગામી 12 કલાકમાં નબળી પડવાની સંભાવના છે.

હાલમાં ગુજરાત પર નીચલા સ્તરે પશ્ચિમી પવનો ફૂંકાઈ રહ્યા છે. હવામાન વિભાગની આગાહી મુજબ, આ પરિસ્થિતિને કારણે રાજ્યના વિવિધ વિસ્તારોમાં આગામી 4 ઓક્ટોબર સુધી હળવાથી મધ્યમ વરસાદી ઝાપટાં પડી શકે છે.

જોકે, ચિંતાજનક રીતે ભારે વરસાદની કોઈ શક્યતા હાલ દેખાઈ રહી નથી. આગામી અઠવાડિયા દરમિયાન પણ રાજ્યમાં મોટાભાગે હવામાન સૂકું રહેવાની ધારણા છે, પરંતુ સ્થાનિક સ્તરે છૂટાછવાયા ઝાપટાં આવી શકે છે.