માંડવી સબ ડિસ્ટ્રિક્ટ હોસ્પિટલ ખાતે બ્લડ ડોનેશન કેમ્પનું આયોજન, 36 યુનિટ રક્ત એકત્ર

આજ રોજ માંડવીની સબ ડિસ્ટ્રિક્ટ હોસ્પિટલ ખાતે એક બ્લડ ડોનેશન કેમ્પનું સફળતાપૂર્વક આયોજન કરવામાં આવ્યું હતું. આ મહત્વપૂર્ણ કાર્યક્રમનું સંયુક્ત રીતે આયોજન તાલુકા આરોગ્ય કચેરી માંડવી અને સબ ડિસ્ટ્રિક્ટ હોસ્પિટલ માંડવી દ્વારા કરવામાં આવ્યું હતું.

આ પ્રસંગે તાલુકા આરોગ્ય અધિકારી ડો. નરેન્દ્ર ચૌધરી અને સબ ડિસ્ટ્રિક્ટ હોસ્પિટલના અધિક્ષક ડો. પરિમલ ચૌધરી ઉપસ્થિત રહ્યા હતા. તેમના માર્ગદર્શન હેઠળ આ રક્તદાન કેમ્પ યોજાયો હતો.

કેમ્પમાં બંને સંસ્થાઓના કુલ 36 કર્મચારીઓએ ઉત્સાહભેર ભાગ લીધો હતો અને સ્વૈચ્છિક રીતે રક્તદાન કર્યું હતું. આ પ્રયાસોના પરિણામે કુલ 36 યુનિટ જેટલું અમૂલ્ય રક્ત એકત્ર કરવામાં આવ્યું હતું, જે જરૂરિયાતમંદ દર્દીઓ માટે અત્યંત ઉપયોગી સાબિત થશે.