Weather
ભાવનગરમાં વાદળો હટતાં ગરમી વધી: પારો 35.2 ડિગ્રીએ પહોંચ્યો, અસહ્ય બફારાથી શહેરીજનો ત્રાહિમામ
ભાવનગર શહેરમાં ચોમાસાની ઋતુ વચ્ચે વરસાદે વિરામ લેતાં ગરમી અને બફારાનું પ્રમાણ અચાનક વધી ગયું છે. આકાશમાંથી વાદળો દૂર થતાં અને સીધો સૂર્યપ્રકાશ જમીન પર પડવાને કારણે આજે બપોરે મહત્તમ તાપમાન વધીને 35.2 ડિગ્રી સેન્ટીગ્રેડ નોંધાયું હતું. ભાદરવા મહિના જેવો આકરો તડકો અને ઊંચા ભેજને પગલે શહેરીજનોએ દિવસભર ભારે અકળામણ અનુભવી હતી.
સિસ્ટમ નબળી પડતાં વરસાદ ગાયબ, તાપમાન ઊંચકાયું
હવામાન વિભાગના જણાવ્યા અનુસાર, વાતાવરણમાં વરસાદી સિસ્ટમ અને ટ્રફ નબળી પડવાને કારણે વરસાદ થંભી ગયો છે. આ ઉપરાંત પવનની દિશા બદલાવાથી અને ગરમ પવનો ફૂંકાવાને કારણે તાપમાનમાં ઝડપી ઉછાળો આવ્યો છે. ગઈ કાલે શહેરનું મહત્તમ તાપમાન 33.9 ડિગ્રી હતું, જે એક જ દિવસમાં વધીને 35.2 ડિગ્રી થઈ ગયું હતું, જે સામાન્ય કરતાં 2.1 ડિગ્રી વધુ છે.
ભેજના ઊંચા પ્રમાણથી પંખા-એસી પણ બેઅસર
માત્ર દિવસ જ નહીં, પરંતુ રાત્રિના તાપમાનમાં પણ વધારો જોવા મળ્યો છે. લઘુત્તમ તાપમાન સામાન્ય કરતાં 2.3 ડિગ્રી વધીને 27.0 ડિગ્રી સેન્ટીગ્રેડ નોંધાયું હતું. હવામાં સવારે ભેજનું પ્રમાણ 78 ટકા અને સાંજે 72 ટકા જેટલું ઊંચું રહેતાં લોકો પરસેવે રેબઝેબ થઈ ગયા હતા અને ઘરો તેમજ ઓફિસોમાં ફૂલ સ્પીડે પંખા તથા એસી ચાલુ રાખવાની ફરજ પડી હતી.
આગામી સપ્તાહમાં વરસાદની શક્યતા
સૂર્યનો આકરો તડકો, વરસાદની ગેરહાજરી અને હવામાં રહેલો ભારે ભેજ—આ ત્રણેય પરિબળોને કારણે શહેરમાં ઉકળાટની સ્થિતિ સર્જાઈ છે. જોકે, રાહતની વાત એ છે કે હવામાન વિભાગે આગામી સપ્તાહમાં ફરી વરસાદ શરૂ થવાની આગાહી વ્યક્ત કરી છે.
સિસ્ટમ નબળી પડતાં વરસાદ ગાયબ, તાપમાન ઊંચકાયું
હવામાન વિભાગના જણાવ્યા અનુસાર, વાતાવરણમાં વરસાદી સિસ્ટમ અને ટ્રફ નબળી પડવાને કારણે વરસાદ થંભી ગયો છે. આ ઉપરાંત પવનની દિશા બદલાવાથી અને ગરમ પવનો ફૂંકાવાને કારણે તાપમાનમાં ઝડપી ઉછાળો આવ્યો છે. ગઈ કાલે શહેરનું મહત્તમ તાપમાન 33.9 ડિગ્રી હતું, જે એક જ દિવસમાં વધીને 35.2 ડિગ્રી થઈ ગયું હતું, જે સામાન્ય કરતાં 2.1 ડિગ્રી વધુ છે.
ભેજના ઊંચા પ્રમાણથી પંખા-એસી પણ બેઅસર
માત્ર દિવસ જ નહીં, પરંતુ રાત્રિના તાપમાનમાં પણ વધારો જોવા મળ્યો છે. લઘુત્તમ તાપમાન સામાન્ય કરતાં 2.3 ડિગ્રી વધીને 27.0 ડિગ્રી સેન્ટીગ્રેડ નોંધાયું હતું. હવામાં સવારે ભેજનું પ્રમાણ 78 ટકા અને સાંજે 72 ટકા જેટલું ઊંચું રહેતાં લોકો પરસેવે રેબઝેબ થઈ ગયા હતા અને ઘરો તેમજ ઓફિસોમાં ફૂલ સ્પીડે પંખા તથા એસી ચાલુ રાખવાની ફરજ પડી હતી.
આગામી સપ્તાહમાં વરસાદની શક્યતા
સૂર્યનો આકરો તડકો, વરસાદની ગેરહાજરી અને હવામાં રહેલો ભારે ભેજ—આ ત્રણેય પરિબળોને કારણે શહેરમાં ઉકળાટની સ્થિતિ સર્જાઈ છે. જોકે, રાહતની વાત એ છે કે હવામાન વિભાગે આગામી સપ્તાહમાં ફરી વરસાદ શરૂ થવાની આગાહી વ્યક્ત કરી છે.