🔥 ट्रेंडिंग सरपंच के कार्यकाल में सड़ते गांव का वि... सुल्तान पोखर में कार्तिक शुक्ल पक्ष की... નર્મદા સંકલન સમિતિની બેઠકમાં પ્રજાના પ... ਅੰਮ੍ਰਿਤਪਾਲ ਦੀ ਦਾਦੀ ਦੇ ਸਸਕਾਰ 'ਚ ਪੁੱਜੇ ਪ... माननीय विधायक मनोज विश्वास ने आईटीआई क... उत्तराखंड
21 नव. 2026•
ગુજરાતી मराठी ਪੰਜਾਬੀ বাংলা
મંડવી તાલુકાના પુના ગામમાં સરકારી ગૌચરની જમીન પર ગેરકાયદે વૃક્ષો કાપી, 350 વૃક્ષો નાશ
अपराध

મંડવી તાલુકાના પુના ગામમાં સરકારી ગૌચરની જમીન પર ગેરકાયદે વૃક્ષો કાપી, 350 વૃક્ષો નાશ

✍️ रिपोर्टर: Maheta Dhavalkumar Jitendrabhai 🗓 30 सित. 2026, 09:32 AM 👁 80
यहाँ देखें: ▶️ YouTube 📘 Facebook 📷 Instagram
शेयर करें: 💬 WhatsApp 📘 Facebook 𝕏 Post

પુના ગામના નાગરિકોએ સરપંચ પર પદનો દુરુપયોગ કરી વૃક્ષો કાપવાનું આક્ષેપ કર્યો છે. તલાટી કમ મંત્રી અને પંચોએ તપાસમાં 350 વૃક્ષો કાપેલા શોધાય છે.

મંડવી તાલુકાના પુના ગામમાં સરકારી ગૌચરની જમીન પર ગેરકાયદે વૃક્ષો કાપી નાખવાનું મસમોટું કૌભાંડ સામે આવ્યો છે. ગામના જાગૃત નાગરિકોએ જિલ્લા વિકાસ અધિકારી (DDO) ને લેખિત ફરિયાદ કરી આક્ષેપ કર્યો હતો કે, વર્તમાન સરપંચે પોતાના પદનો દુરુપયોગ કરી, ગ્રામ પંચાયતના ઠરાવ કે वन વિભાગની કોઈ પણ પ્રકારની મંજૂરી મેળવ્યા વિના કિંમતી અને વર્ષો જૂના વૃક્ષોનું નિકંદન કાઢી નાખ્યું છે.

ગ્રામજનોની ઉગ્ર રજૂઆત અને તપાસની માગણી બાદ તંત્ર હરકતમાં આવ્યું હતું. ફરિયાદના આધારે ગત 8 સપ્ટેમ્બર 2026ના રોજ તલાટી કમ મંત્રી અને સ્થાનિક પંચોની ઉપસ્થિતિમાં ઘટનાસ્થળે રૂબરૂ તપાસ કરી પંચરોજકામ કરાયું હતું.

આ પંચકયાસ દરમિયાન ચોંકાવનારી વિગતો સામે આવી હતી. સ્થળ પરથી અંદાજિત 41 બાવળ, 88 ગુલમહોર, 208 નીલગીરી અને 1 ખાખરાનું વૃક્ષ મળીને કુલ 350 જેટલાં નાના-મોટાં વૃક્ષો થડમાંથી કાપી નાખ્યા હોવાની પુષ્ટિ થઈ હતી.

ગ્રામજનોના જણાવ્યા મુજબ, કાપવામાં આવેલા વૃક્ષોમાં 100 વર્ષ જૂના બાવળનો પણ સમાવેશ થતો હતો, જે પશુઓ માટે છાંયડાનો મુખ્ય આશરો હતા. પંચરોજકામ વખતે કાપેલા વૃક્ષોની ડાળીઓ કે લાકડાં સ્થળ પર હાજર ન હતા, જેથી લાકડાં બારોબાર વેચી દઈને ભ્રષ્ટાચાર આચરવામાં આવ્યો હોવાનો આક્ષેપ કરાયો છે.
📲Get App