ఆంధ్రప్రదేశ్‌లో స్థానిక సంస్థల ఎన్నికల షెడ్యూల్ విడుదల: నవంబర్ 30లోగా పూర్తి

ఆంధ్రప్రదేశ్‌లో స్థానిక సంస్థల ఎన్నికల నిర్వహణకు ఎన్నికల సంఘం ముహూర్తం ఖరారు చేసింది. ఈ నెల 14 లేదా 15వ తేదీల్లో స్థానిక సంస్థల ఎన్నికల షెడ్యూల్‌ను విడుదల చేయనున్నట్లు సమాచారం. దీనికి సంబంధించి, ఈ నెల 13వ తేదీన రాజకీయ పార్టీలతో ఎన్నికల సంఘం ఒక సమావేశాన్ని ఏర్పాటు చేయనుంది.

నవంబర్ 30వ తేదీ లోపు మూడు దశల్లో స్థానిక సంస్థల ఎన్నికలను పూర్తి చేయాలని ఎన్నికల సంఘం నిర్ణయించింది. ఈ మేరకు అధికారులు ఏర్పాట్లు చేస్తున్నారు. ఎన్నికల ప్రక్రియను పారదర్శకంగా, నిష్పాక్షికంగా నిర్వహించేందుకు అన్ని చర్యలు తీసుకుంటున్నట్లు తెలుస్తోంది.

ఎన్నికల షెడ్యూల్ విడుదలైన తర్వాత, నామినేషన్ల స్వీకరణ, పరిశీలన, ఉపసంహరణ, పోలింగ్, ఓట్ల లెక్కింపు వంటి ప్రక్రియలు వేగవంతం కానున్నాయి.