अपराध
ભચાઉ તાલુકાના નારણસરીમાં ગેરકાયદે રેતી વોશિંગ પ્લાન્ટ પર દરોડા, 3 કરોડનો મુદ્દામાલ જપ્ત
ભચાઉ તાલુકાના નારણસરી ગામે વહીવટી તંત્ર અને ખાણ-ખનીજ વિભાગે પરવાનગી વિના ચાલતા ગેરકાયદે રેતી વોશિંગ પ્લાન્ટ પર સંયુક્ત દરોડો પાડી અંદાજે રૂ. 3 કરોડનો મુદ્દામાલ જપ્ત કર્યો છે.
કચ્છ કલેક્ટરની સૂચના બાદ મદદનીશ કલેક્ટર અને સબ ડિવિઝનલ મેજિસ્ટ્રેટ ભચાઉની ટીમે નારણસરી ગામે આકસ્મિક તપાસ હાથ ધરી હતી. આ તપાસ દરમિયાન, એક રેતી વોશિંગ પ્લાન્ટ ગેરકાયદે રીતે ચાલતો હોવાનું બહાર આવ્યું હતું.
વહીવટી તંત્ર અને ખાણ-ખનીજ વિભાગ દ્વારા સંયુક્ત રીતે પાડવામાં આવેલા આ દરોડામાં, સ્થળ પરથી હિટાચી, ડમ્પર, ટ્રક અને કોંક્રિટ મિક્સર જેવા વાહનો સહિત કુલ અંદાજે રૂ. 3 કરોડની કિંમતનો મુદ્દામાલ જપ્ત કરવામાં આવ્યો છે.
આ ગેરકાયદે ખનન અને રેતી ધોવાના કામ બદલ પ્લાન્ટ સંચાલકો સામે કાયદેસરની કાર્યવાહી હાથ ધરવામાં આવી છે. તંત્ર દ્વારા પર્યાવરણને નુકસાન પહોંચાડતા આવા એકમો સામે ભવિષ્યમાં વધુ કડક પગલાં લેવાની ચેતવણી આપવામાં આવી છે.
વહીવટી તંત્ર અને ખાણ-ખનીજ વિભાગ દ્વારા સંયુક્ત રીતે પાડવામાં આવેલા આ દરોડામાં, સ્થળ પરથી હિટાચી, ડમ્પર, ટ્રક અને કોંક્રિટ મિક્સર જેવા વાહનો સહિત કુલ અંદાજે રૂ. 3 કરોડની કિંમતનો મુદ્દામાલ જપ્ત કરવામાં આવ્યો છે.
આ ગેરકાયદે ખનન અને રેતી ધોવાના કામ બદલ પ્લાન્ટ સંચાલકો સામે કાયદેસરની કાર્યવાહી હાથ ધરવામાં આવી છે. તંત્ર દ્વારા પર્યાવરણને નુકસાન પહોંચાડતા આવા એકમો સામે ભવિષ્યમાં વધુ કડક પગલાં લેવાની ચેતવણી આપવામાં આવી છે.