🔥 TRENDING Police HQ demands social media details... लोनी, गाजियाबाद में लापता युवक सद्दाम... मुरादाबाद में महिला जनसुनवाई: आठ महिला... रामपुर बटुरा मेगा प्रोजेक्ट में फिर आं... Banswara Panchayat Elections Deal Blow... मोतिहारी में बापू कि कर्म भूमी पर 22नव...
21 Nov 2026•
ગુજરાતી मराठी ਪੰਜਾਬੀ বাংলা
સુરત: બુલેટ ટ્રેન પ્રોજેક્ટ સાઇટ પરથી લાખોની ચોરી, પોલીસે 3 આરોપીને મુદ્દામાલ સાથે ઝડપ્યા
Crime

સુરત: બુલેટ ટ્રેન પ્રોજેક્ટ સાઇટ પરથી લાખોની ચોરી, પોલીસે 3 આરોપીને મુદ્દામાલ સાથે ઝડપ્યા

✍️ Reporter: Maheta Dhavalkumar Jitendrabhai 🗓 26 Sep 2026, 08:38 PM 👁 80
Share: 💬 WhatsApp 📘 Facebook 𝕏 Post

સુરતમાં બુલેટ ટ્રેન પ્રોજેક્ટની સાઇટ પરથી લાખો રૂપિયાના કિંમતી સામાનની ચોરીનો ભેદ પોલીસે ઉકેલી કાઢ્યો છે. પોલીસે 3 આરોપીઓને ચોરીના મુદ્દામાલ સાથે ઝડપી પાડ્યા છે.

દેશના મહત્ત્વાકાંક્ષી 'બુલેટ ટ્રેન પ્રોજેક્ટ'ની કામગીરી સુરત સહિત દક્ષિણ ગુજરાતમાં પુરજોશમાં ચાલી રહી છે. ત્યારે આ સરકારી પ્રોજેક્ટની સાઇટ પરથી લાખો રૂપિયાના કિંમતી સામાનની ચોરીની ઘટના સામે આવી હતી. સુરત શહેરની સચીન પોલીસે આ મામલે તપાસ હાથ ધરી ચોરીનો ભેદ ઉકેલી કાઢ્યો છે અને 3 આરોપીને મુદ્દામાલ સાથે ઝડપી પાડ્યા છે.

પોલીસ સૂત્રો મુજબ, બુલેટ ટ્રેનની ઇલેક્ટ્રિસિટી લાઇન ઉભી કરવા સાઇટ ઉપર મુકવામાં આવેલા ગેલ્વેનાઇઝ સ્ટીલ, કિંમતી કોપર વાયર અને કેન્ટીલીવર મળીને કુલ ₹ 7,80,781ની મત્તાનો સામાન ચોરાયો હતો. રાત્રિના અંધારાનો લાભ લઈ તસ્કરો આ ભારેખમ સામાન ચોરી ગયા હતા. સચીન પોલીસ સ્ટેશનમાં આ અંગે ભારતીય ન્યાય સંહિતા (BNS) 2023 ની કલમ- 303(2), 324(3), 54 મુજબ ગુનો નોંધવામાં આવ્યો હતો.

આ અનડિટેક્ટ ગુનાને ઉકેલવા સચીન પોલીસની ટીમ પેટ્રોલિંગમાં હતી. તે દરમિયાન ચોક્કસ બાતમી મળી હતી કે, સચીન પારડી વિસ્તારના અંબિકાનગરમાં ભંગારનો વેપાર કરતા કેટલાક શખ્સો પાસે બુલેટ ટ્રેનનો શંકાસ્પદ સામાન છુપાવેલો છે. પોલીસે અંબિકાનગર ખાતે છાપો મારીને તપાસ કરતા ત્યાંથી ચોરીમાં ગયેલો તમામ મુદ્દામાલ મળી આવ્યો હતો.
📲Get App