ધારીમાં મામલતદારની ટીમે ગેરકાયદેસર રેતી ખનન કરતું ટ્રેક્ટર ઝડપી પાડ્યું, રૂ. 2.50 લાખનો મુદ્દામાલ કબજે

ધારી પંથકમાં ગેરકાયદેસર રેતી ખનન કરતા ઇસમો સામે વહીવટી તંત્રે કડક કાર્યવાહી હાથ ધરી છે. ધારી પ્રાંત અધિકારીના માર્ગદર્શન હેઠળ મામલતદારની ટીમ દ્વારા મોડી રાત્રે આકસ્મિક ચેકિંગ હાથ ધરવામાં આવ્યું હતું.

આ દરમિયાન, ટીમ દ્વારા રેતી ભરેલ એક ટ્રેક્ટરને ઝડપી પાડવામાં આવ્યું હતું. તંત્ર દ્વારા ટ્રેક્ટર સહિત કુલ રૂ. 2,50,000 ની કિંમતનો મુદ્દામાલ કબજે કરવામાં આવ્યો છે અને કાયદેસરની કાર્યવાહી શરૂ કરવામાં આવી છે.

વહીવટી તંત્રની આ કાર્યવાહીને પગલે સમગ્ર ધારી પંથકમાં ગેરકાયદેસર રેતી ખનન કરતા તત્વોમાં ફફડાટ વ્યાપી ગયો છે. આગામી દિવસોમાં પણ આવી કાર્યવાહી ચાલુ રહેવાની શક્યતા છે.