બનાસકાંઠા ખાણ-ખનિજ વિભાગે ગેરકાયદે ખનન સામે 2.5 કરોડનું મુદ્દામાલ જપ્ત

બનાસકાંઠા જિલ્લામાં ખાણ-ખનિજ વિભાગે ગેરકાયદે ખનન સામે કાર્યવાહી હાથ ધરેલી છે. મોટા જામપુર નદી વિસ્તારમાં સવારે 4 વાગ્યાની આસપાસ બનાસ નદીની બાવળની ઝાડીમાં છુપાઈ ઓપરેશન ચલાવ્યું.

આ ઓપરેશનમાં 8 ડમ્પર, 1 ટ્રેક્ટર અને 1 લોડર સહિત કુલ આશરે 2.5 કરોડનું મુદ્દામાલ જપ્ત કરવામાં આવ્યું. તમામ જપ્ત થયેલ વસ્તુઓ પોલીસ સ્ટેશનમાં લાવી કાયદેસર કાર્યવાહી શરૂ કરવામાં આવી.

આ કાર્યવાહીથી ગેરકાયદે ખનન સાથે સંકળાયેલા તત્વોમાં ફફડાટ ફેલાયો છે. ખાણ-ખનિજ વિભાગે બ્લોક ફાળવેલ ન હોવા છતા રેત ખન્ન ચાલુ રહેતા ઓચિંતી તપાસ શરૂ કરી.

વધુ વિગતો અને સત્તાવાર માહિતી મળ્યા પછી વધુ સ્પષ્ટતા થશે. ખાણ-ખનિજ વિભાગે ગેરકાયદે ખનન સામે કડક કાર્યવાહી ચાલુ રાખવાની જાહેરાત કરી.