પંચમહાલના કાલોલ બસ સ્ટેન્ડમાં એસટી બસમાં અચાનક આગ, 25 મુસાફરોમાં અફરાતફરી

પંચમહાલના કાલોલ બસ સ્ટેન્ડમાં ભરેલી એસટી બસમાં અચાનક આગ લાગી, જેના કારણે મુસાફરોમાં ભારે અફરાતફરી મચી ગઈ.

બસમાં અંદાજે 25 મુસાફરો સવાર હતા. પ્રાથમિક અનુમાન મુજબ બસના વાયરિંગમાં અચાનક ખામી સર્જાતા આગ લાગી હતી. ડ્રાઈવરે સમયસૂચકતા વાપરી બસમાં રાખવામાં આવેલા ફાયર એક્સિંગ્વિશરથી આગ પર કાબૂ મેળવવાનો પ્રયાસ કર્યો.

મુસાફરો જીવ બચાવવા કૂદ્યા અને સુરક્ષિત રીતે બહાર નીકળ્યા.