ભરૂચ જિલ્લામાં 24 કલાકમાં 3.5 ઇંચ વરસાદ, નીચાણવાળા વિસ્તારો પાણીમાં ડૂબ્યા

ભરૂચ જિલ્લામાં છેલ્લા 24 કલાકમાં તમામ તાલુકાઓમાં સાર્વત્રિક વરસાદ નોંધાયો, જેના કારણે નીચાણવાળા વિસ્તારો પાણી-પાણી થઈ ગયા.

આ વરસાદના મુખ્ય આંકડા મુજબ અંકલેશ્વર 3.5 ઇંચ, ભરૂચ શહેર 3 ઇંચ, હાંસોટ 3 ઇંચ, વાલિયા 2.5 ઇંચ, ઝઘડિયા અને નેત્રંગ 2-2 ઇંચ, અને વાગરા 1.5 ઇંચ પડ્યા.

સતત વરસાદના કારણે ભરૂચના અનેક ગણેશ પંડાલોમાં પાણી ભરાઈ જતાં આયોજકોને હાલાકીનો સામનો કરવો પડ્યો છે.

તેમ છતાં, આ વરસાદથી વાતાવરણમાં આહલાદક ઠંડક પ્રસરી ગઈ છે અને ખેતી માટે સાનુકૂળ માહોલ સર્જાતા ખેડૂતોમાં આનંદની લાગણી છે.