અંકલેશ્વરમાં ગાંજાના જથ્થા સાથે એક ઈસમ ઝડપાયો, રૂ. 2.27 લાખનો મુદ્દામાલ કબ્જે

અંકલેશ્વરમાંથી ગાંજાના મોટા જથ્થા સાથે એક ઈસમને ઝડપી પાડવામાં આવ્યો છે. અંકલેશ્વરની પાનોલી પોલીસે બાકરોલ બ્રિજ નજીક સર્વિસ રોડ પરથી આ કાર્યવાહી કરી હતી.

પોલીસે બાતમીના આધારે વોચ ગોઠવી હતી અને આ દરમિયાન એક ઈસમ શંકાસ્પદ રીતે ફરતો જણાયો હતો. પોલીસે તેને રોકીને તપાસ કરતાં તેની પાસેથી મોટી માત્રામાં ગાંજો મળી આવ્યો હતો.

પોલીસે ગાંજાનો જથ્થો અને અન્ય મુદ્દામાલ મળીને કુલ અંદાજે રૂ. 2.27 લાખનો મુદ્દામાલ કબ્જે કર્યો છે. પોલીસે ઝડપાયેલા ઈસમ વિરુદ્ધ ગુનો નોંધી કાયદેસરની કાર્યવાહી હાથ ધરી છે અને આ ગાંજા ક્યાંથી આવ્યો અને ક્યાં લઈ જવાઈ રહ્યો હતો તે દિશામાં વધુ તપાસ હાથ ધરી છે.