અમદાવાદ: એલિસબ્રિજ નીચેનો માર્ગ 21 દિવસ માટે બંધ, જાણો વૈકલ્પિક રૂટ

અમદાવાદમાં ટ્રાફિક વિભાગ દ્વારા મહત્વનો નિર્ણય લેતા પૂર્વ એલિસબ્રિજ નીચેનો રસ્તો બંધ કરવામાં આવ્યો છે. જૂના એલિસબ્રિજથી વિક્ટોરિયા ગાર્ડન સુધીના આ માર્ગ પર માણેકબુરજ પાસે હયાત સ્પાનના રેસ્ટોરેશનની કામગીરી હાથ ધરવામાં આવનાર છે. આ કામગીરીને ધ્યાનમાં રાખીને આગામી 21 દિવસ સુધી આ માર્ગ વાહનવ્યવહાર માટે બંધ રાખવાનો નિર્ણય લેવામાં આવ્યો છે.

ટ્રાફિક વિભાગ દ્વારા આ અંગે વાહનચાલકો માટે વૈકલ્પિક માર્ગોનું ડાયવર્ઝન પણ આપવામાં આવ્યું છે. ટ્રાફિકની સમસ્યા ન સર્જાય તે માટે તબક્કાવાર રીતે કામગીરી હાથ ધરવામાં આવશે. આ કામગીરી પૂર્ણ થતા સુધી એટલે કે આગામી 10 સપ્ટેમ્બર સુધી આ માર્ગ બંધ રહેશે.

તંત્ર દ્વારા તમામ વાહનચાલકોને વૈકલ્પિક માર્ગોનો ઉપયોગ કરવા અને ટ્રાફિક વિભાગના સૂચનોનું ચુસ્તપણે પાલન કરવા અપીલ કરવામાં આવી છે. કામગીરીના સમયગાળા દરમિયાન નાગરિકોને અગવડતા ન પડે તે માટે ટ્રાફિક પોલીસ દ્વારા વ્યવસ્થા કરવામાં આવી છે.