🔥 TRENDING मुरादाबाद के हरथला में समाजवादी नेता म... Delhi HC Rejects Plea on Alleged Force... અમરેલી જિલ્લામાં ૩૦ નવેમ્બરથી ધો. ૧૦ અ... Court Rules Mother's Work Travel Canno... MP Amritpal Singh reaches ancestral vi... 17-Year-Old Inter Student Dies After S...
21 Nov 2026•
ગુજરાતી मराठी ਪੰਜਾਬੀ বাংলা
સુરતમાં 'સીટેક્ષ એક્સ્પો-2026'નો ભવ્ય પ્રારંભ: રાજ્યના મંત્રી અર્જુન મોઢવાડિયાના હસ્તે ઉદ્ઘાટન
Local

સુરતમાં 'સીટેક્ષ એક્સ્પો-2026'નો ભવ્ય પ્રારંભ: રાજ્યના મંત્રી અર્જુન મોઢવાડિયાના હસ્તે ઉદ્ઘાટન

✍️ Reporter: Maheta Dhavalkumar Jitendrabhai 🗓 26 Sep 2026, 08:34 PM 👁 98
Share: 💬 WhatsApp 📘 Facebook 𝕏 Post

ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી દ્વારા સુરતના સરસાણા ખાતે ત્રિ-દિવસીય 'સીટેક્ષ એક્સ્પો-2026'નું આયોજન કરાયું છે, જેમાં આધુનિક ટેક્સ્ટાઈલ મશીનરી અને ટેક્નોલોજીનું પ્રદર્શન કરાયું છે. રાજ્યના વન અને પર્યાવરણ મંત્રી અર્જુન મોઢવાડિયાએ તેનું ઉદ્ઘાટન કર્યું.

સુરતના સરસાણા ખાતે ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી દ્વારા 26 થી 28 સપ્ટેમ્બર દરમિયાન ત્રિ-દિવસીય 'સીટેક્ષ એક્સ્પો-2026'નું ભવ્ય આયોજન કરવામાં આવ્યું છે. આ સુરત ઈન્ટરનેશનલ ટેક્સ્ટાઈલ એક્સ્પોમાં આધુનિક મશીનરી અને એડવાન્સ્ડ ટેક્નોલોજીનો અનોખો સમન્વય જોવા મળી રહ્યો છે, જે ટેક્સટાઇલ ઉદ્યોગના ભવિષ્યની ઝલક આપે છે.

આ આંતરરાષ્ટ્રીય કક્ષાના એક્સ્પોનું ભવ્ય ઉદ્ઘાટન 26 સપ્ટેમ્બરના રોજ રાજ્યના વન અને પર્યાવરણ મંત્રી અર્જુન મોઢવાડિયાના હસ્તે કરવામાં આવ્યું હતું. આ પ્રસંગે શહેરના અગ્રણી ઉદ્યોગપતિઓ અને ટેક્સટાઇલ ક્ષેત્રના નિષ્ણાતો ખાસ ઉપસ્થિત રહ્યા હતા, જેમણે આયોજનની પ્રશંસા કરી હતી.

ઉદ્ઘાટન કાર્યક્રમ દરમિયાન મંત્રી અર્જુન મોઢવાડિયાએ સુરતના ઉદ્યોગજગતની પ્રશંસા કરતા જણાવ્યું હતું કે, સુરત હવે માત્ર ગુજરાત કે દેશનું નહીં પરંતુ સમગ્ર એશિયા ખંડનું ગ્રોથ એન્જિન બની ચૂક્યું છે. તેમણે ઉમેર્યું કે ટેક્સટાઇલ વેલ્યુ ચેઇનમાં ભારતને અગ્રેસર બનાવવામાં સુરતના ઇનોવેશન અને ઉદ્યોગ સાહસિકતાનો મોટો ફાળો છે.
📲Get App