સુરતમાં બંધ એપી માર્કેટમાંથી મળેલ 20-22 વર્ષીય માનવ કંકાલ, પોલીસ તપાસમાં

સુરતના ઉધના-નવસારી મેઇન રોડ પર અંબર કોલોની સામે આવેલ જર્જરીત અને બંધ એપી માર્કેટમાંથી 20-22 વર્ષીય પુરુષનો માનવ કંકાલ મળ્યો છે, જેના કારણે સમગ્ર વિસ્તારમાં અફરાતફરી થઈ. ઘટનાની જાણ થતાં જ ઉધના પોલીસનો કાફલો સ્થળ પર પહોંચ્યો.

મહાનગરપાલિકાએ છેલ્લા એક વર્ષથી આ માર્કેટને સીલ કરેલું હતું. કંકાલ મળતા જ પોલીસએ ફોરેન્સિક સાયન્સ લેબોરેટરી (FSL)ની ટીમને સાથે રાખીને તપાસ શરૂ કરી છે.

સૂત્રો અનુસાર કંકાલ 20-22 વર્ષનો પુરુષનું છે અને તેનું મૃત્યુ 4-5 સપ્તાહ પહેલા થયું હોવાની ધારણા છે. આ યુવક કોણ છે અને તેની મૃત્યુની પરિસ્થિતિ શું હતી, તે અંગે તપાસ ચાલુ છે.

પોલીસે કંકાલની ઓળખ અને મૃત્યુનું કારણ જાણવા માટે તમામ જરૂરી પગલાં લેવામાં આવ્યા છે અને તપાસની પ્રગતિ મુજબ વધુ માહિતી જાહેર કરવામાં આવશે.