સુરતમાં ડુમસ સી-ફેસના ફેઝ-2ના વિકાસ માટે સુરત મહાનગરપાલિકા દ્વારા કવાયત તેજ

સુરતવાસીઓ માટે હરવા-ફરવાનું નવું ડેસ્ટિનેશન બની ચૂકેલા ડુમસ સી-ફેસના ફેઝ-1ના સફળ લોકાર્પણ બાદ હવે સુરત મહાનગરપાલિકા દ્વારા ફેઝ-2ના વિકાસ માટે સત્તાવાર કવાયત તેજ કરવામાં આવી છે.

ફેઝ-1 ખુલ્લું મુકાતાં જ સુરતીઓ મોટી સંખ્યામાં પરિવાર સાથે સમય વિતાવવા અને મનોરંજન માટે અહીં ઉમટી રહ્યા છે. આ અકલ્પનીય લોકપ્રિયતાને ધ્યાનમાં રાખીને મનપાએ ફેઝ-2ના નિર્માણ માટે જિલ્લા કલેક્ટર પાસે જમીનની માંગણી કરી છે.

હાલમાં જમીન સંપાદનની આ પ્રક્રિયા પ્રારંભિક તબક્કામાં છે અને જરૂરી જગ્યા ઉપલબ્ધ થયા બાદ સ્થળ પર પ્રત્યક્ષ ડેવલપમેન્ટની કામગીરી યુદ્ધના ધોરણે શરૂ કરવામાં આવશે.