સુરતમાં નકલી ઘર સોપ્સની વેચાણમાં 2 ઑનલાઇન વેપારીઓને ધરપકડ, 2,000 બોક્સ સાબુ કબજે

સુરતમાં નકલી અને ભેળસેળયુક્ત કોસ્મેટિક ચીજવસ્તુઓનું વેચાણ કરતા તત્ત્વો સામે પોલીસે કડક કાર્યવાહી કરી. લસકાણા પોલીસ બાતમીના આધારે દરોડો પાડી, જાણીતા ઘર સોપ્સ બ્રાન્ડના ડુપ્લિકેટ સાબુના જંગી જથ્થા સાથે બે ઓનલાઇન વેપારીઓને ઝડપી પાડી.

પોલીસ તપાસમાં જાણવા મળ્યું કે આરોપીઓ છેલ્લા ચાર મહિનાથી આ ગોરખધંધો ચલાવતા હતા. તેઓ મોટા વરાછાના સપ્લાયર પાસેથી નકલી સાબુ ખરીદી, માત્ર પેકિંગ બદલીને ઓનલાઇન પ્લેટફોર્મ 'મીશો' પર વેચાણ કરતા.

પોલીસે સ્થળ પરથી રૂ.2.04 લાખની કિંમતના 2,000 બોક્સ સાબુ કબજે કર્યા અને કાયદેસરની કાર્યવાહી શરૂ કરી છે.