સાબરકાંઠા પ્રાંતિજ પોલીસ દ્વારા 1.92 લાખ રૂ. મૂલ્યનું દેશી દારૂ અને જુગાર સામાન જપ્ત

સાબરકાંઠા પ્રાંતિજ પોલીસ સ્ટેશનની ટીમે માવાની મુવાડી ગામમાં દેશી દારૂ અને જુગાર સંબંધિત સામાન ૧,૯૨,૦૦૦ રૂપિયા મૂલ્યનું જપ્ત કર્યું. આ કામગીરી પ્રાંતિજ પોલીસ ઇન્સ્પેક્ટર શ્રી ડી.આર. પઢેરીયાની માર્ગદર્શન હેઠળ કરવામાં આવી હતી.

ગાંધીનગર વિભાગના નાયબ પોલીસ મહાનિરીક્ષક શ્રી વિરેન્દ્રસિંહ યાદવ, હિંમતનગર પોલીસ અધિક્ષક શ્રી ડો. પાર્થરાજસિંહ ગોહિલ (IPS) અને હિંમતનગર વિભાગના ડીવાયએસપી શ્રી એ.કે. પટેલ દ્વારા પ્રોહીબીશન અને જુગારની પ્રવૃત્તિઓને રોકવા માટેની સૂચના આપવામાં આવી હતી. આ સૂચનાને અનુસરીને ટીમે માવાની મુવાડીમાં દરોડો પાડી, ગેરકાયદેસર સામાનને જપ્ત કર્યો.

આર્મ પો.કો. સરદારસિંહ દીપસિંહ અને આર્મ પો.કો. સંદીપકુમાર ઈશ્વરભાઈને મળેલી ખાનગી બાતમીના આધારે પોલીસને રેડ પાડવામાં આવી હતી, જેના પરિણામે આ સફળ કામગીરી પૂર્ણ થઈ. આ જપ્તી દ્વારા ગેરકાયદેસર દેશી દારૂ અને જુગારની પ્રવૃત્તિઓને નબળું કરવા માટે મહત્વપૂર્ણ પગલું ભરાયું છે.