માંગરોળના મોટી નરોલી એકસપ્રેસ હાઈવે પર ટેમ્પામાંથી 19 લાખના દારૂ સાથે ડ્રાઈવરને સ્ટેટ મોનીટરીંગ સેલની ટીમે પકડ્યો.

માંગરોળ તાલુકાના મોટી નરોલી નજીક આવેલા દિલ્હી - મુંબઈ એકસપ્રેસ હાઈવેના ટોલનાકા પરથી સ્ટેટ મોનીટરીંગ સેલની ટીમે મોટી કાર્યવાહી હાથ ધરી હતી.ટીમે આઈસર ટેમ્પાની તપાસ દરમિયાન વિદેશી દારૂ અને બીયરની કુલ 19026 બોટલ ઝડપી પાડી હતી. પોલીસે ટેમ્પાના ડ્રાઇવરની ધરપકડ કરી દારૂ ,બિયર ,ટેમ્પો સહિત કુલ રૂપિયા 29,13,600 નો મુદ્દા માલ કબજે કર્યો હતો. પોલીસે પ્રોહીબિશન એક્ટ હેઠળ ગુનો નોંધી દારૂનો જથ્થો ક્યાંથી લાવવામાં આવ્યો હતો અને ત્યાં પહોંચાડવાનો હતો તે દિશામાં વધુ તપાસ શરૂ કરી છે.