સુરત જિલ્લામાં 18 ઓક્ટોબરે મતદાર યાદી સુધારણા ઝુંબેશમાં 20,791 ફોર્મ જમા

18 ઓક્ટોબરે ભારતના ચૂંટણી પંચની સૂચના મુજબ સુરત જિલ્લામાં મતદાર યાદી સુધારણા માટે ખાસ ઝુંબેશ યોજાયો. આ ઝુંબેશ દરમિયાન કુલ 20,791 ફોર્મ જમા થયા, જેમાં ફોર્મ નં 6, 6(ખ), 7 અને 8નો સમાવેશ થાય છે. મુખ્ય હેતુ તમામ લાયક નાગરિકોના નામ મતદાર યાદીમાં ઉમેરવાનો અને જરૂરી સુધારા કરવાનો હતો.

જિલ્લા ચૂંટણી અધિકારી તેજસ પરમારના માર્ગદર્શન હેઠળ ઓલપાડ અને માંગરોળ સહિત સુરત જિલ્લાના કુલ 16 મતદાર વિભાગોમાં સુચારુ કામગીરી હાથ ધરવામાં આવી. બૂથ લેવલ ઓફિસર (BLOs) દ્વારા સંબંધિત મતદાન મથકો પર હાજર રહીને નાગરિકો પાસેથી જરૂરી ફોર્મ સ્વીકારવામાં આવ્યા.

આ વ્યવસ્થાથી સ્થાનિક રહીશોને પોતાની અરજીઓ સરળતાથી જમા કરાવવાની સુવિધા મળી અને મતદાર યાદીમાં સુધારા કરવાની પ્રક્રિયા વધુ સુગમ બની.