અંબાજી નજીક મકાનમાંથી વિદેશી દારૂનો મોટો જથ્થો ઝડપાયો, રૂ. 1.56 લાખનો મુદ્દામાલ જપ્ત

અંબાજી પોલીસ દ્વારા પેટ્રોલિંગ દરમિયાન મળેલી બાતમીના આધારે કુંભારિયા ગામમાં એક મકાનમાં દરોડો પાડવામાં આવ્યો હતો. પોલીસે આ દરોડા દરમિયાન ગેરકાયદેસર રીતે રાખવામાં આવેલ ભારતીય બનાવટનો વિદેશી દારૂ અને બિયરના કુલ 571 બોટલ-ટીનનો જથ્થો ઝડપી પાડ્યો હતો.

પોલીસ તપાસ દરમિયાન ઝડપાયેલ દારૂ-બિયરની કુલ કિંમત રૂ. 1,46,727 હોવાનું સામે આવ્યું હતું. આ ઉપરાંત, પોલીસે રૂ. 10,000ની કિંમતનો મોબાઇલ ફોન પણ કબજે કર્યો હતો. આમ, પોલીસે કુલ રૂ. 1,56,727નો મુદ્દામાલ જપ્ત કર્યો છે.

આ કાર્યવાહી કુંભારિયા ગામના 26 વર્ષીય મંધાલભાઈ લસમાનભાઈ અંગારીયાના ઘરે કરવામાં આવી હતી. પોલીસે સમગ્ર મામલે પ્રોહિબિશન એક્ટ હેઠળ ગુનો નોંધી વધુ તપાસ હાથ ધરી છે.