સાબરકાંઠા ના તલોદમાં 151મી જન્મજયંતિ પર યુવા સંમેલન,ભગવાન બિરસા મુંડા ની વારસો ઉજવ્યો..

સાબરકાંઠાના-:
તલોદમાં જનજાતીય ગૌરવ સપ્તાહ અંતર્ગત 151મી જન્મજયંતિ નિમિત્તે યુવા સંમેલન આયોજિત થયું.આ સંમેલનમાં ભાગ લેનારા યુવાનોને ભગવાન બિરસા મુંડા ના જીવન અને સિદ્ધાંતો વિશે જાણકારી આપવામાં આવી અને તેમની યોગદાનને સ્મરણ કરવામાં આવ્યું.ભગવાન બિરસા મુંડા આદિવાસી સમાજના સ્વાભિમાન, સંઘર્ષ અને શૌર્યના પ્રતિક હતા..

અંગ્રેજી શાસન સામે 'ઉલ્ગુલાન' (મહાક્રાંતિ)નું નેતૃત્વ કરીને તેમણે જળ, જંગલ અને જમીનના અધિકારો માટે ઐતિહાસિક લડત આપી હતી.માત્ર 25 વર્ષની ટૂંકી વયમાં દેશ અને સમાજ માટે આપેલું તેમનું યોગદાન આવનારી પેઢીઓ માટે સદાય પ્રેરણારૂપ રહેશે.આ પ્રસંગે યુવાનોને શિક્ષણ અને સંસ્કારને જીવનનો પાયો બનાવી,નશામુક્ત સમાજનું નિર્માણ, પર્યાવરણનું જતન અને સોશિયલ મીડિયા ના સકારાત્મક અને રચનાત્મક ઉપયોગ દ્વારા રાષ્ટ્રના વિકાસમાં સક્રિય યોગદાન આપવા આહ્વાન કરવામાં આવ્યું.સંમેલનનું સમાપન પ્રેરણાદાયક ભાષણો અને સાંસ્કૃતિક કાર્યક્રમો સાથે થયું, જે ભાગ લેનારા યુવાનોમાં ભગવાન બિરસા મુંડા ની વારસો પ્રત્યે ગૌરવ અને જવાબદારીની ભાવના જગાવી.