સુરેન્દ્રનગર સીસીટીવીથી 15,000 રૂપિયા મોબાઈલ પરત

ધ્રાંગધ્રાના પથુગઢના રહેવાસી મહેન્દ્રભાઈ હમીરભાઈ લકુમ સવારે રતનપરના ઢાળેથી રિક્ષામાં બેસીને એન.ટી.એમ. સ્કૂલ ખાતે ઉતર્યા હતા. આ દરમિયાન તેઓનો 15,000 રૂપિયા મૂલ્યનો મોબાઈલ રિક્ષામાં ભૂલી ગયા હતા.

ઘટનાની જાણ 'નેત્રમ' સુરેન્દ્રનગર ખાતે કરવામાં આવી અને સીસીટીવી કેમેરાની મદદથી મોબાઈલ શોધવામાં આવ્યો.

પોલીસ અધિક્ષક પ્રેમસુખ ડેલૂ અને નાયબ પોલીસ અધિક્ષક પાર્થ પરમારના માર્ગદર્શન હેઠળ, અને 'નેત્રમ'ના પોલીસ સબ ઇન્સ્પેક્ટર ડી.એલ. ઝેઝરીયાની સૂચનાથી, રિક્ષાચાલકનો સંપર્ક કરીને મોબાઈલ મૂળ માલિકને પરત કરવામાં આવ્યો.

આ પ્રશંસનીય કામગીરી 'તેરા તુજકો અર્પણ' અભિયાન અંતર્ગત કરવામાં આવી.