ਕੈਂਸਰ ਦੀਆਂ ਦਵਾਈਆਂ ''ਤੇ ਸਰਕਾਰ ਦਾ ਵੱਡਾ ਫ਼ੈਸਲਾ, 137 ਐਂਟੀ-ਕੈਂਸਰ ਦਵਾਈਆਂ ਦੀਆਂ ਕੀਮਤਾਂ ਘਟਾਈਆਂ

ਕੈਂਸਰ ਦੀਆਂ ਦਵਾਈਆਂ ''ਤੇ ਸਰਕਾਰ ਦਾ ਵੱਡਾ ਫ਼ੈਸਲਾ, 137 ਐਂਟੀ-ਕੈਂਸਰ ਦਵਾਈਆਂ ਦੀਆਂ ਕੀਮਤਾਂ ਘਟਾਈਆਂ
‎Sunday, Oct 18, 2026 ।
‎
‎
‎ਨੈਸ਼ਨਲ ਡੈਸਕ : ਇੱਕ ਅਧਿਕਾਰਤ ਬਿਆਨ ਅਨੁਸਾਰ ਦਵਾਈਆਂ ਦੀਆਂ ਕੀਮਤਾਂ ਨਿਰਧਾਰਤ ਕਰਨ ਵਾਲੀ ਸੰਸਥਾ 'ਨੈਸ਼ਨਲ ਫਾਰਮਾਸਿਊਟੀਕਲ ਪ੍ਰਾਈਸਿੰਗ ਅਥਾਰਟੀ' (NPPA) ਨੇ ਸ਼ਨੀਵਾਰ ਨੂੰ ਕੈਂਸਰ-ਰੋਕੂ 137 ਅਜਿਹੀਆਂ ਦਵਾਈਆਂ (ਜੋ ਨਿਯੰਤਰਿਤ ਸੂਚੀ ਵਿੱਚ ਸ਼ਾਮਲ ਨਹੀਂ ਹਨ), ਲਈ 'ਟਰੇਡ ਮਾਰਜਿਨ' (ਵਪਾਰਕ ਮੁਨਾਫੇ ਦੀ ਹੱਦ) ਨੂੰ 30 ਫੀਸਦੀ ਤੱਕ ਸੀਮਤ ਕਰ ਦਿੱਤਾ ਹੈ।
‎
‎ਰਸਾਇਣ ਅਤੇ ਖਾਦ ਮੰਤਰਾਲੇ ਨੇ ਦੱਸਿਆ ਕਿ ਇਹ ਫੈਸਲਾ 9 ਨਵੰਬਰ ਤੋਂ ਲਾਗੂ ਹੋਵੇਗਾ। ਉਮੀਦ ਹੈ ਕਿ ਮੌਜੂਦਾ ਕੀਮਤ ਢਾਂਚੇ ਦੇ ਆਧਾਰ 'ਤੇ ਜੀਵਨ ਰੱਖਿਅਕ ਇਨ੍ਹਾਂ ਦਵਾਈਆਂ ਦੀਆਂ ਪ੍ਰਚੂਨ ਕੀਮਤਾਂ ਵਿੱਚ 70 ਫੀਸਦੀ ਤੱਕ ਦੀ ਕਮੀ ਆਵੇਗੀ। ਸ਼ਨੀਵਾਰ ਨੂੰ ਗਜ਼ਟ ਨੋਟੀਫਿਕੇਸ਼ਨ ਜਾਰੀ ਹੋਣ ਤੋਂ ਬਾਅਦ NPPA ਨੇ 'ਡਰੱਗਜ਼ (ਪ੍ਰਾਈਸ ਕੰਟਰੋਲ) ਆਰਡਰ, 2013' ਦੇ ਪੈਰਾ 19 ਦੇ ਤਹਿਤ 'ਟਰੇਡ ਮਾਰਜਿਨ ਰੈਸ਼ਨਲਾਈਜ਼ੇਸ਼ਨ' (TMR) ਢਾਂਚੇ ਨੂੰ ਲਾਗੂ ਕੀਤਾ ਹੈ। NPPA, 'ਡਿਪਾਰਟਮੈਂਟ ਆਫ ਫਾਰਮਾਸਿਊਟੀਕਲਜ਼' (ਦਵਾਈ ਵਿਭਾਗ) ਦੇ ਅਧੀਨ ਕੰਮ ਕਰਦੀ ਹੈ।