નેપાળમાં ભારે વરસાદ અને ભૂસ્ખલનથી 1,344 મૃત્યુ, 5,300 લાપતા, 169 ભારતીયો બચાવાયા

નેપાળમાં ભારે વરસાદ અને ભૂસ્ખલનથી વિનાશક પરિસ્થિતિ સર્જાઈ છે. મૃત્યુઆંક 1,344 સુધી વધી ગયો છે, જેમાં તિબેટમાં પણ 31 લોકોના મોત નોંધાયા છે.

રિપોર્ટ મુજબ 5,300થી વધુ લોકો લાપતા છે અને રાહત તથા બચાવ કામગીરી સતત ચાલી રહી છે. દાર્ચુલા વિસ્તારમાં ભૂસ્ખલનને કારણે ચૌલાની નદીનો માર્ગ માટી-પથ્થરથી અવરોધાયો છે, અને નીચાણવાળા વિસ્તારોમાં હાઈ એલર્ટ જાહેર કરવામાં આવી છે. સ્થાનિક લોકોને સુરક્ષિત સ્થળે ખસેડવામાં આવ્યા છે.

મોટી બચાવ કામગીરીમાં 12,000થી વધુ લોકોને સુરક્ષિત બહાર કાઢવામાં આવ્યા છે. ત્રિશૂલી બજારમાંથી 5 વર્ષના બાળક સહિત 3 ભારતીયોનું સફળતાપૂર્વક બચાવ કરવામાં આવ્યું. અત્યાર સુધી 169 ભારતીયોને બચાવવામાં આવ્યા છે, પરંતુ 275 ભારતીયો હજુ પણ ગુમ છે.

રાહતકાર્યોમાં ખોરાક, તબીબી સહાય અને અસ્થાયી નિવાસ વ્યવસ્થા પ્રદાન કરવામાં આવી રહી છે, અને પ્રભાવિત વિસ્તારોમાં પુનઃનિર્માણ માટે સરકાર અને આંતરરાષ્ટ્રીય સંસ્થાઓની સહાયતા ચાલુ છે.