નળકાંઠાના-થૂલેટા ગામે મકાનમાંથી સોના ચાંદીના દાગીના સહિત રૂ. 1.26 લાખની ચોરી

અમદાવાદ ગ્રામ્યના વિરમગામ ડીવીઝનનાનળકાંઠાના-થૂલેટા ગામે મકાનમાંથી સોના-ચાંદીના દાગીના સહિત રૂ. 1.26 લાખની ચોરી વીરમગામ તાલુકાના નળકાંઠાના-થૂલેટા ગામમાં ચોરીની ઘટના સામે આવી છે. ગામમાં રહેતા અમૃતભાઈ ધીરુભાઈ કોળી પટેલના રહેણાક મકાનને અજાણ્યા ચોરોએ નિશાન બનાવ્યું હતું.
ચોરોએ મકાનમાં રાખેલા લાકડાના કબાટ તથા લોખંડની તિજોરીમાં રાખેલા સોના ચાંદીના દાગીના તેમજ રોકડ રકમ સહિતનો મુદ્દામાલ ચોરી કરી લીધો હતો. ચોરી થયેલા મુદ્દામાલની કુલ કિંમત આશરે રૂ. 1,26,000 હોવાનું ફરિયાદમાં જણાવાયું છે.
આ અંગે મકાન માલિક અમૃતભાઈ ધીરુભાઈ કોળી પટેલે નળસરોવર પોલીસ મથકમાં ફરિયાદ નોંધાવી છે. ફરિયાદના આધારે નળસરોવર પોલીસે ચોરીનો ગુનો દાખલ કરી અજાણ્યા ચોરોની શોધખોળ અને વધુ તપાસ હાથ ધરી છે રિપોર્ટર આસીક અલી ગીલાણી વિરમગામ