અમદાવાદ ક્રાઈમ બ્રાન્ચનું 'ડ્રગ્સ ક્લીન સિટી' અભિયાન: 12 દિવસમાં 10 આરોપીઓની ધરપકડ

અમદાવાદ ક્રાઈમ બ્રાન્ચ દ્વારા શહેરમાં ડ્રગ્સના દૂષણને ડામવા માટે 'ડ્રગ્સ ક્લીન સિટી' અભિયાન શરૂ કરવામાં આવ્યું છે. આ વિશેષ ઝુંબેશ અંતર્ગત પોલીસ દ્વારા સઘન તપાસ અને કાર્યવાહી હાથ ધરવામાં આવી રહી છે.

પ્રાપ્ત વિગતો અનુસાર, છેલ્લા 12 દિવસના ટૂંકા ગાળામાં ક્રાઈમ બ્રાન્ચે ડ્રગ્સ સંબંધિત 8 અલગ-અલગ ગુનાઓ નોંધીને કુલ 10 આરોપીઓની ધરપકડ કરી છે. આ કાર્યવાહીથી ડ્રગ્સના કારોબારમાં સંકળાયેલા તત્વોમાં ફફડાટ ફેલાઈ ગયો છે.

પોલીસની તપાસમાં વધુ 7 આરોપીઓ વોન્ટેડ હોવાનું સામે આવ્યું છે. ક્રાઈમ બ્રાન્ચ દ્વારા આ તમામ વોન્ટેડ આરોપીઓને પકડવા માટેના ચક્રો ગતિમાન કરવામાં આવ્યા છે અને આગામી સમયમાં વધુ ધરપકડ થવાની શક્યતા છે.