સુરત મહાનગરપાલિકા દ્વારા ક્લાર્કની ભરતી પરીક્ષા: 1.16 લાખ ઉમેદવારો ભાગ લેશે

સુરત મહાનગરપાલિકા દ્વારા આયોજિત ત્રીજી શ્રેણી ક્લાર્કની ભરતી પરીક્ષા હાલ ભારે ચર્ચામાં છે. પાલિકાના ઇતિહાસમાં પ્રથમ વખત આટલા મોટા પાયે પરીક્ષાનું આયોજન કરવામાં આવ્યું છે.

આ પરીક્ષા સુરત, અમદાવાદ અને રાજકોટ એમ રાજ્યના ત્રણ મુખ્ય શહેરોમાં આવેલા 400 પરીક્ષા કેન્દ્રો પર યોજાશે. જેમાં કુલ 1.16 લાખ જેટલા ઉમેદવારો પરીક્ષા આપશે. ક્લાર્ક સંવર્ગની કુલ 717 ખાલી જગ્યાઓ ભરવા માટે આ પરીક્ષા લેવાઈ રહી છે.

ઉમેદવારોની આટલી મોટી સંખ્યાને ધ્યાનમાં રાખીને, પાલિકા વહીવટી તંત્ર દ્વારા પરીક્ષાના સંચાલન માટે યુદ્ધના ધોરણે તૈયારીઓ પૂર્ણ કરી દેવામાં આવી છે.