અમદાવાદ: ગોલ્ડી બ્રાર ગેંગનો કુખ્યાત સાગરિત ‘પિસ્તોલ’ વેજલપુરમાં ઝડપાયો, 11થી વધુ ગુનાઓમાં સંડોવણી

અમદાવાદ શહેરના વેજલપુર વિસ્તારમાં ગોલ્ડી બ્રાર ગેંગ સામે ગ્રામ્ય SOG પોલીસ અને દિલ્હી પોલીસે એક મોટી કાર્યવાહી હાથ ધરી છે. આ કાર્યવાહીમાં, ગોલ્ડી બ્રાર ગેંગ સાથે સંકળાયેલો કુખ્યાત અને વોન્ટેડ આરોપી આરિફ ઉર્ફે ‘પિસ્તોલ’ને પોલીસે ઝડપી પાડ્યો છે.

પોલીસ સૂત્રો પાસેથી પ્રાપ્ત માહિતી અનુસાર, ઝડપાયેલો આરોપી આરિફ ઉર્ફે ‘પિસ્તોલ’ અનેક ગંભીર ગુનાઓમાં સામેલ રહ્યો છે. તેની સામે હત્યાના પ્રયાસ, ફાયરિંગ અને ખંડણી જેવી ગંભીર કલમો હેઠળ 11થી વધુ ગુનાઓ નોંધાયેલા છે. પોલીસથી બચવા માટે તે અનેક રાજ્યોમાં છુપાઈને રહેતો હતો.

હાલમાં, પોલીસે આરોપી આરિફ ઉર્ફે ‘પિસ્તોલ’ને કાયદેસર રીતે ઝડપી લીધો છે અને તેની સઘન પૂછપરછ હાથ ધરી છે. પોલીસ તેના ગુનાહિત નેટવર્ક, તેના અન્ય સાગરિતો અને તેની પાછળ કોણ છે તે અંગે ઊંડાણપૂર્વક તપાસ કરી રહી છે.