🔥 ट्रेंडिंग ಜೆಡಿಎಸ್ ಮುಖಂಡ ಅಂಬರೀಶ್ ಬಿ. ಗಣೇಕಲ್ ನೂತನ... ग्राम कारोली पंचायत का थमा विवाद, मुख्... बिहार में 30‑दिन में औद्योगिक मंजूरी न... बिहार ने न्यूक्लियर और पम्प्ड स्टोरेज... जहरनाबाद के बाल सुधार गृह में पुलिस पर... ભરૂચમાં દબાણો દૂર કરવા વહીવટી તંત્રની...
20 नव. 2026•
ગુજરાતી मराठी ਪੰਜਾਬੀ বাংলা

ಭೂ ಗ್ಯಾರಂಟಿ ಯೋಜನೆ: ಅನುಷ್ಠಾನಕ್ಕೆ ಕೈಗೊಳ್ಳಬೇಕಾದ 11 ಪ್ರಮುಖ ಕ್ರಮಗಳು - ರಾಯಚೂರು ಜಿಲ್ಲಾ ಪಂಚಾಯತ್ ಸೂಚನೆ - ನ.2 ರಿಂದ ನ.27 ರವರೆಗೆ ವ್ಯಾಪಕ ಪ್ರಚಾರ

✍️ रिपोर्टर: Ningappa 🗓 20 नव. 2026, 10:15 PM 👁 22
शेयर करें: 💬 WhatsApp 📘 Facebook 𝕏 Post

ಭೂ ಗ್ಯಾರಂಟಿ ಯೋಜನೆ ಅನುಷ್ಠಾನಕ್ಕೆ 11 ಪ್ರಮುಖ ಕ್ರಮಗಳು - ರಾಯಚೂರು ಜಿಲ್ಲಾ ಪಂಚಾಯತ್ ಸೂಚನೆ - ನ.2 ರಿಂದ ನ.27 ರವರೆಗೆ ಗ್ರಾಮ ಪಂಚಾಯಿತಿಗಳಲ್ಲಿ ವ್ಯಾಪಕ ಪ್ರಚಾರ - 11A, 11B ವಿತರಣೆ, ಮೊಬೈಲ್ ಆಪ್ ಮೂಲಕ ಸರ್ವೆ, ಅರ್ಜಿ ನೋಂದಣಿ ಕಡ್ಡಾಯ - ಹಕ್ಕುಪತ್ರ, ವಸತಿ ಮನೆ, ಕೃಷಿ ಭೂಮಿ ಕಟ್ಟಡ, ಅರಣ್ಯ ಹಕ್ಕು ಆಸ್ತಿಗಳಿಗೆ 11B - ತಿದ್ದುಪಡಿ, ಅಮಾನ್ಯೀಕರಣಕ್ಕೆ ನಿಯಮಾನುಸಾರ ಕ್ರಮ

ರಾಯಚೂರು: ಭೂ ಗ್ಯಾರಂಟಿ ಯೋಜನೆಯ ಪರಿಣಾಮಕಾರಿ ಅನುಷ್ಠಾನ ಹಾಗೂ ಸಾರ್ವಜನಿಕರಿಗೆ ಸಕಾಲದಲ್ಲಿ ಸೇವೆ ಒದಗಿಸುವ ಉದ್ದೇಶದಿಂದ ಜಿಲ್ಲೆಯ ಎಲ್ಲಾ ಗ್ರಾಮ ಪಂಚಾಯಿತಿಗಳಲ್ಲಿ ಕೆಳಕಂಡ ಕ್ರಮಗಳನ್ನು ಕಡ್ಡಾಯವಾಗಿ ಕೈಗೊಳ್ಳುವಂತೆ ಜಿಲ್ಲಾ ಪಂಚಾಯತ್, ರಾಯಚೂರು ಸೂಚಿಸಿದೆ.

ದಿನಾಂಕ: 02.11.2026 ರಿಂದ 27.11.2026 ರವರೆಗೆ ವ್ಯಾಪಕ ಪ್ರಚಾರ ನಡೆಸಬೇಕು.

ಕೈಗೊಳ್ಳಬೇಕಾದ ಪ್ರಮುಖ ಕ್ರಮಗಳು ಹೀಗಿವೆ:

1. ಇ-ಸ್ವತ್ತು ನಮೂನೆ 11A ವಿತರಣೆ: ಭೂ ಗ್ಯಾರಂಟಿ ಯೋಜನೆಯಡಿ ನಮೂನೆ 11A ವಿತರಿಸುವ ಸಂದರ್ಭದಲ್ಲಿ ಮೂಲ ಮಾಲೀಕರ ಆಸ್ತಿಗಳಿಗೆ ಮೊದಲ ಆದ್ಯತೆ ನೀಡಬೇಕು. ಅಗತ್ಯವಿರುವ ಎಲ್ಲಾ ದಾಖಲೆಗಳನ್ನು ಪಡೆಯಬೇಕು.

2. ಭೂ ಗ್ಯಾರಂಟಿ ಯೋಜನೆಯ ವ್ಯಾಪಕ ಪ್ರಚಾರ: ದಿನಾಂಕ: 02.11.2026 ರಿಂದ 27.11.2026 ರವರೆಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಜಾಗೃತಿ ಮತ್ತು ಪ್ರಚಾರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಿ, ಕರಪತ್ರಗಳನ್ನು ವಿತರಿಸಿ, ಕಸ ವಿಲೇವಾರಿ ವಾಹನಗಳಿಂದ ಧ್ವನಿಪ್ರಚಾರ ಕೈಗೊಳ್ಳಿ.

3. ಆಸ್ತಿಗಳ ಪಟ್ಟಿ ಸಿದ್ಧಪಡಿಸುವುದು: ಗ್ರಾಮ ಠಾಣಾ ವ್ಯಾಪ್ತಿಯಲ್ಲಿನ ಆಸ್ತಿಗಳ ವಿವರಗಳನ್ನು ವಾರ್ಡ್‌ವಾರು, ಗ್ರಾಮವಾರು ಮತ್ತು ಪಂಚಾಯಿತಿವಾರು ವಿಂಗಡಿಸಿ ಸಮಗ್ರ ಪಟ್ಟಿಯನ್ನು ಸಿದ್ಧಪಡಿಸಬೇಕು.

4. ಭೂ ಗ್ಯಾರಂಟಿ ಮೊಬೈಲ್ ಅಪ್ಲಿಕೇಶನ್ ಬಳಕೆ: ನಮೂನೆ 11A ಮತ್ತು 11B ಅರ್ಜಿಗಳಿಗೆ ಸಂಬಂಧಿಸಿದಂತೆ ಮೊಬೈಲ್ ಅಪ್ಲಿಕೇಶನ್ ಮೂಲಕ ಸ್ಥಳ ಪರಿಶೀಲನೆ ಹಾಗೂ ಸರ್ವೆ ಕಾರ್ಯ ಕಡ್ಡಾಯವಾಗಿರುತ್ತದೆ.

5. ಅರ್ಜಿಗಳ ಕಡ್ಡಾಯ ನೋಂದಣಿ: ದಿನಾಂಕ: 01.11.2026 ರಿಂದ ಪ್ರತಿ ಗ್ರಾಮ ಪಂಚಾಯತಿಯು ಕನಿಷ್ಠ 05 ಅರ್ಜಿಗಳನ್ನು ಭೂ ಗ್ಯಾರಂಟಿ ತಂತ್ರಾಂಶದಲ್ಲಿ ನೋಂದಾಯಿಸಿ.

6. 64C, 94CC ಮತ್ತು 94D ಅಡಿಯಲ್ಲಿ ವಿತರಿಸಿದ ಹಕ್ಕುಪತ್ರಗಳು: 24.04.2025 ಕ್ಕಿಂತ ಪೂರ್ವದಲ್ಲಿ ವಿತರಿಸಿದ ಹಕ್ಕುಪತ್ರಗಳ ಫಲಾನುಭವಿಗಳ ಪಟ್ಟಿಯನ್ನು ಸಂಬಂಧಪಟ್ಟ ಪ್ರಾಧಿಕಾರಕ್ಕೆ ಮನವಿ ಸಲ್ಲಿಸಿ, ದೃಢೀಕರಣದೊಂದಿಗೆ ಪಡೆಯಬೇಕು.

7. ಇ-ಸ್ವತ್ತು ನಮೂನೆ 11B - ಕೃಷಿ ಭೂಮಿಯಲ್ಲಿನ ಕಟ್ಟಡಗಳು: ಕೃಷಿ ಭೂಮಿಯಲ್ಲಿ ಮೂಲ ಮಾಲೀಕರು ನಿರ್ಮಿಸಿಕೊಂಡ ಕಟ್ಟಡಗಳಿಗೆ ಅನ್ವಯವಾಗುವ ನಿಯಮಗಳನ್ವಯ ನಮೂನೆ 11B ವಿತರಿಸಬೇಕು.

8. ಇ-ಸ್ವತ್ತು ನಮೂನೆ 11B - ವಸತಿ ಯೋಜನೆಯ ಮನೆಗಳು: ವಸತಿ ಯೋಜನೆಯಡಿ ನಿರ್ಮಿಸಿದ ಮನೆಗಳಿಗೆ, ಮೂಲ ಮಾಲೀಕರ ಒಪ್ಪಿಗೆ ಪತ್ರ ಹೊಂದಿರುವ ಪ್ರಕರಣಗಳಲ್ಲಿ Non-Transactionalble ಷರತ್ತಿನೊಂದಿಗೆ ನಮೂನೆ 11B ವಿತರಿಸಬೇಕು.

9. Forest Rights Act, 2006 - ಪೂರ್ವಜರಿಂದ ಬಂದಿರುವ ಆಸ್ತಿಗಳು: Forest Rights Act, 2006 ಅಡಿಯಲ್ಲಿ ಅನ್ವಯವಾಗುವ ಪೂರ್ವಜರಿಂದ ಬಂದಿರುವ ಆಸ್ತಿಗಳಿಗೆ Non-Transactionalble ಷರತ್ತಿನೊಂದಿಗೆ ನಮೂನೆ 11B ವಿತರಿಸಬೇಕು.

10. ಆಸ್ತಿಗಳ ವಿಸ್ತೀರ್ಣ ಮತ್ತು ಆಯಾಮಗಳ ತಿದ್ದುಪಡಿ: 2,400 ಚದರ ಅಡಿಗಿಂತ ಹೆಚ್ಚಿರುವ ವಿಸ್ತೀರ್ಣದ ಆಸ್ತಿಗಳಿಗೆ Area and Dimension Correction ಬಾಕಿಯಿರುವ ಮನೆಕಟ್ಟಡಗಳಲ್ಲಿ ಅಂತಹ ಕಾರ್ಯಕರ್ತಗಳ ಇ-ಸ್ವತ್ತು ಲಾಗಿನ್ ಮೂಲಕ ಅನುಮೋದನೆ ಪಡೆದುಕೊಂಡ ನಂತರವೇ ತಿದ್ದುಪಡಿ ಮಾಡಬೇಕು.

11. ಇ-ಸ್ವತ್ತು ತಂತ್ರಾಂಶದಲ್ಲಿ ಆಸ್ತಿಗಳ ಅಮಾನ್ಯೀಕರಣ: Invalidation ಮಾಡುವ ಸಂದರ್ಭದಲ್ಲಿ ಆಸ್ತಿ ಮಾಲೀಕರಿಗೆ ವಿಚಾರಣೆಗೆ ಅವಕಾಶ ನೀಡಿ (Hearing), ನಿಯಮಾನುಸಾರ ಅಮಾನ್ಯೀಕರಣದ ಕುರಿತು ಸೂಕ್ತ ಕ್ರಮ ಕೈಗೊಳ್ಳಬೇಕು.

ವಿಶೇಷ ಸೂಚನೆ: ಎಲ್ಲಾ ಗ್ರಾಮ ಪಂಚಾಯಿತಿಗಳಿಗೆ ಸೂಚನೆ: ಮೇಲುಕಂಡ ಎಲ್ಲಾ ಸೂಚನೆಗಳನ್ನು ಕಡ್ಡಾಯವಾಗಿ ಪಾಲಿಸಿ, ಭೂ ಗ್ಯಾರಂಟಿ ಯೋಜನೆಯ ಅನುಷ್ಠಾನಕ್ಕೆ ಅಗತ್ಯ ಪೂರಕ ಕ್ರಮಗಳನ್ನು ನಿಗದಿತ ಕಾಲಮಿತಿಯೊಳಗಾಗಿ ಪೂರ್ಣಗೊಳಿಸಬೇಕು. ಅಡಿಟಿಪ್ಪಣಿ: ಈ ಕಾರ್ಯದಲ್ಲಿ ಯಾವುದೇ ವಿಳಂಬ ಅಥವಾ ನಿರ್ಲಕ್ಷ್ಯ ವಹಿಸದಂತೆ ಸಂಬಂಧಪಟ್ಟ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸಬೇಕು.
📲Get App