వచ్చే విద్యా సంవత్సరం నుంచి తెలంగాణలో 10+2 విధానం అమలు.

వచ్చే విద్యా సంవత్సరం నుంచి తెలంగాణలో 10+2 విద్యా విధానాన్ని అమలు చేయనున్నట్లు ముఖ్యమంత్రి రేవంత్ రెడ్డి తెలిపారు. స్కూల్ ఎడ్యుకేషన్లో ఇంటర్మీడియట్‌ను విలీనం చేస్తామని, ప్రస్తుత విధానాన్ని ఆధునిక అవసరాలకు అనుగుణంగా మార్చే ప్రక్రియలో భాగంగా ఈ నిర్ణయం తీసుకున్నట్లు పేర్కొన్నారు.
విద్యా విధానంలో మార్పులపై నిర్వహించిన సమీక్షలో సీఎం ఈ అంశాలను వివరించారు. 9 నుంచి 12వ తరగతి వరకు విద్యార్థులకు స్పెషలైజ్డ్ ఎడ్యుకేషన్ అందుబాటులోకి తీసుకువస్తామని తెలిపారు. ఇక 12వ తరగతి నుంచి నైపుణ్యాభివృద్ధిపై ప్రత్యేక దృష్టి పెట్టనున్నామని చెప్పారు. విద్యా పాఠ్యాంశాలతో పాటు వృత్తి నైపుణ్యాల దిశగా విద్యార్థులను సిద్ధం చేసే లక్ష్యంతో ప్రణాళికలు రూపొందిస్తున్నట్లు పేర్కొన్నారు. ఈ చర్యలతో విద్యా వ్యవస్థలో నిర్మాణాత్మక మార్పులు వస్తాయని, అమలు విధానంపై తదుపరి కార్యాచరణను ప్రభుత్వం వెల్లడించనుంది. సంబంధిత మార్గదర్శకాలు విద్యాశాఖ ద్వారా క్రమంగా అందిస్తామని అధికారులు సూచిస్తున్నారు