રાજકોટ: રૈયા ગામમાંથી 10 અને 8 વર્ષના બે સગીર ભાઈ લાપતા, અપહરણની આશંકા

રાજકોટના રૈયા ગામમાં રહેતા 10 વર્ષનો સુરેશ અને 8 વર્ષનો દેવરાજ નામના બે સગીર ભાઈ લાપતા થયા છે. આ બંને બાળકો બકરીના બચ્ચા સાથે ઘરેથી નીકળ્યા હતા અને પરત ન ફરતા તેમના પિતાએ તેમની શોધખોળ હાથ ધરી હતી.

મળતી માહિતી મુજબ, બંને બાળકોના માતાનું અવસાન થયું છે અને તેમના પિતા શાકભાજી વેચીને પરિવારનું ગુજરાન ચલાવે છે. પિતાએ એવી શંકા વ્યક્ત કરી છે કે બાળકો માતાજીના પાઠમાંથી પૈસા લઈને ગયા હોઈ શકે છે.

આ બનાવ અંગે તેમના પિતાએ પોલીસમાં ફરિયાદ નોંધાવતા રાજકોટ યુનિવર્સિટી પોલીસે બંને બાળકોના અપહરણનો ગુનો નોંધી વધુ તપાસ હાથ ધરી છે. પોલીસે બાળકોની શોધખોળ માટે ચક્રો ગતિમાન કર્યા છે