રાજકોટના નાના મોવા રોડ પર 10 લાખની લૂંટ, પોલીસ કાફલો ઘટનાસ્થળે

રાજકોટના નાના મોવા રોડ પર લૂંટની ઘટનાને લઈને પોલીસ ઘટનાસ્થળે પહોંચી હતી. નાનામવા રોડ પર DCP સહિતના અધિકારીઓ દોડી આવ્યા હતા. થેલો લઈને જતા મામા-ભાણેજ પાસેથી 10 થી 11 લાખ રૂપિયા રોકડ લઈને શખ્સો ફરાર થઈ ગયા હોવાની પ્રાથમિક વિગતો સામે આવી છે. લૂંટની ઘટના શંકાસ્પદ છે કે કેમ તે બાબતે ઉચ્ચ પોલીસ અધિકારીઓ દ્વારા તપાસ હાથ ધરાઈ છે. પોલીસે CCTV ના આધારે વધુ તપાસ શરૂ કરી છે.