અમદાવાદ: પીરાણા પાસે ખુલ્લી ડ્રેનેજમાં પડી 10 વર્ષની દિવ્યાંગ બાળકી, 12 કલાકથી શોધખોળ ચાલુ

અમદાવાદ શહેરમાં પીરાણા નજીક એક હૃદયદ્રાવક ઘટના બની છે, જ્યાં 10 વર્ષની દિવ્યાંગ બાળકી ખુલ્લી ડ્રેનેજમાં પડી ગઈ હતી. ઘટનાને 12 કલાકથી વધુ સમય વીતી ગયો હોવા છતાં બાળકીનો કોઈ પત્તો લાગ્યો નથી.

આ અંગે પ્રાપ્ત માહિતી અનુસાર, ફાયર બ્રિગેડની ટીમો દ્વારા બાળકીને શોધવા માટે સઘન પ્રયાસો કરવામાં આવી રહ્યા છે. શોધખોળના પ્રયાસોના ભાગરૂપે સાબરમતી નદીમાં પણ બાળકીની શોધ કરવામાં આવી રહી છે, પરંતુ હજુ સુધી કોઈ સફળતા મળી નથી.

આ દુર્ઘટના બાદ ખુલ્લી ડ્રેનેજની જાળવણી અને તેની જવાબદારી અંગે પ્રશ્નો ઉઠી રહ્યા છે. આવી ગંભીર બેદરકારી બદલ જવાબદારી કોની રહેશે તે એક મોટો સવાલ છે.