અમદાવાદ: બેફામ કાર ચાલકે મોપેડને 1 કિલોમીટર સુધી ઘસડ્યું, ચાલકનો ચમત્કારિક બચાવ

અમદાવાદ શહેરમાં મોડી રાત્રે ડ્રાઈવ ઈન રોડ પર હિમાલયા મોલ પાસે બેફામ કાર ડ્રાઈવિંગની એક ચોંકાવનારી ઘટના સામે આવી છે. એક કાર ચાલકે અચાનક મોપેડને જોરદાર ટક્કર મારી હતી.

આ ટક્કર એટલી ભયાનક હતી કે કાર ચાલકે મોપેડને અંદાજે 1 કિલોમીટર સુધી રસ્તા પર ઘસડ્યું હતું. આ દરમિયાન, રસ્તા પર ઘર્ષણને કારણે તણખા ઊડતા જોવા મળ્યા હતા, જેણે ભયાનક દ્રશ્ય સર્જ્યું હતું.

સદનસીબે, આ દુર્ઘટનામાં મોપેડ ચાલકનો ચમત્કારિક રીતે બચાવ થયો હતો. જોકે, ટક્કર અને ઘસડાવાને કારણે મોપેડનો સંપૂર્ણપણે કચ્ચરઘાણ નીકળી ગયો હતો. ઘટનાસ્થળે હાજર સ્થાનિક લોકોએ કાર ચાલક નશાની હાલતમાં હોવાનો આરોપ લગાવ્યો છે.