🔥 TRENDING Chhattisgarh CM Orders Crop‑Loss Surve... Chhattisgarh Announces ₹3 Lakh Grant f... ઘારી તાલુકાના વિવિધ મધ્યાહન ભોજન કેન્દ... Chhattisgarh Announces Recruitment of... કુંકાવાવના સનાળા મુકામે સૌની યોજના લીં... Punjab Board announces 2027 exam sched...
21 Nov 2026•
ગુજરાતી मराठी ਪੰਜਾਬੀ বাংলা
સુરતમાં શ્રમિકોનો આક્રોશ: એક દિવસની રજા માટે 1 ઓક્ટોબરે કલેક્ટર કચેરી પર ધરણાં

સુરતમાં શ્રમિકોનો આક્રોશ: એક દિવસની રજા માટે 1 ઓક્ટોબરે કલેક્ટર કચેરી પર ધરણાં

✍️ Reporter: Maheta Dhavalkumar Jitendrabhai 🗓 28 Sep 2026, 01:58 PM 👁 100
Watch on: ▶️ YouTube
Share: 💬 WhatsApp 📘 Facebook 𝕏 Post

સુરત શહેર અને આસપાસના ઔદ્યોગિક વિસ્તારોમાં રાત-દિવસ કામ કરતા લાખો શ્રમિકો છેલ્લા ત્રણ મહિનાથી માત્ર એક સાપ્તાહિક રજાની માંગ કરી રહ્યા છે. માંગણીઓ પ્રત્યે ઉદાસીનતા દાખવતાં શ્રમિકો હવે 1 ઓક્ટોબરે કલેક્ટર કચેરી ખાતે ધરણાં કરશે.

સુરત શહેર અને તેની આસપાસના ઔદ્યોગિક વિસ્તારોમાં આવેલા એમ્બ્રોઈડરી અને ટેક્સટાઇલ એકમોમાં રાત-દિવસ કાળી મજૂરી કરતા ઉત્તર પ્રદેશ, બિહાર અને ઓડિશાના લાખો શ્રમિકોની સ્થિતિ અત્યંત દયનીય બની છે. છેલ્લા ત્રણ મહિનાથી માત્ર એક સાપ્તાહિક રજા (વીકલી ઓફ) માટે આજીજી કરી રહેલા શ્રમિકોની માંગણીઓ પ્રત્યે કારખાનેદારો અને વહીવટી તંત્ર દ્વારા કોઈ સકારાત્મક વલણ ન દાખવતાં શ્રમિકોમાં ભારે આક્રોશ વ્યાપ્યો છે.

વારંવારની મધ્યસ્થી બેઠકો નિષ્ફળ જતાં હવે શ્રમિકો પોતાના હક માટે આરપારની લડાઈના મૂડમાં આવી ગયા છે. તેમણે આગામી 1 ઓક્ટોબરના રોજ સુરત કલેક્ટર કચેરી ખાતે વિશાળ ધરણાં પ્રદર્શન કરવાનું એલાન કર્યું છે.

આ શ્રમિકોની મુખ્ય માંગણી છેલ્લા ત્રણ મહિનાથી માત્ર એક સાપ્તાહિક રજાની છે. આટલા લાંબા સમય સુધી સતત કામગીરી બાદ તેઓ આરામ કરવા માંગે છે, પરંતુ તેમની માંગણીને કારખાનેદારો દ્વારા ગંભીરતાથી લેવામાં આવી રહી નથી. આ પરિસ્થિતિને કારણે શ્રમિકોમાં ભારે રોષ જોવા મળી રહ્યો છે.
📲Get App