🔥 TRENDING ठंढ आते ही शहर में चोर का तांडव शुरू Keerthy Suresh Clarifies Why She Didn'... Cyclone Akvan Brings Red Alert to Andh... Cyclone Akvan: Landfall Process Commen... CDS underscores collective preparednes... Congress Accuses BJP of SD Pay Scam, C...
20 Nov 2026•
ગુજરાતી मराठी ਪੰਜਾਬੀ বাংলা
धुळे पोलिस ॲक्शन मोडवर; १० तलवारीसह ५.३० लाखांचा मुद्देमाल जप्त...!!

धुळे पोलिस ॲक्शन मोडवर; १० तलवारीसह ५.३० लाखांचा मुद्देमाल जप्त...!!

✍️ Reporter: Maheshprasad Ramkrishnaprasad Dixit 🗓 19 Sep 2026, 02:18 PM 👁 110
Watch on: ▶️ YouTube
Share: 💬 WhatsApp 📘 Facebook 𝕏 Post
विभागीय प्रतिनिधी

गुप्त माहितीवरून स्थानिक गुन्हे शाखेची कारवाई; शहरातील कायदा-सुव्यवस्था राखण्यासाठी अशा कारवाया सुरूच राहणार - पोलीस प्रशासन

धुळे, दि. १८ - धुळे शहरात कायदा व सुव्यवस्था अबाधित राखण्यासाठी पोलीस प्रशासनाने कंबर कसली आहे. याचाच एक भाग म्हणून स्थानिक गुन्हे शाखेने (LCB) मोठी कारवाई करत १० घातक तलवारींसह सुमारे ५ लाख ३० हजार रुपयांचा मुद्देमाल जप्त केला आहे. या प्रकरणी दोन संशयित आरोपींना अटक करण्यात आली आहे.

काय आहे प्रकरण?
स्थानिक गुन्हे शाखेच्या पथकाला गोपनीय माहिती मिळाली होती की, काही इसम बेकायदेशीररित्या धारदार शस्त्रांची वाहतूक करत आहेत. मिळालेल्या माहितीच्या आधारे पथकाने सापळा रचून कारवाई केली. यावेळी संशयितांकडून १० तलवारी जप्त करण्यात आल्या. तसेच गुन्ह्यात वापरलेले वाहन आणि इतर साहित्यासह एकूण ५.३० लाख रुपयांचा मुद्देमाल पोलिसांनी ताब्यात घेतला आहे.

या कारवाईनंतर दोन्ही संशयितांविरुद्ध कायदेशीर प्रक्रिया सुरू करण्यात आली असून, या तलवारी नेमक्या कुठून आणण्यात आल्या आणि त्यांचा वापर कोणत्या उद्देशासाठी केला जाणार होता, याचा पुढील तपास पोलीस करत आहेत.

दरम्यान, "शहरातील शांतता व कायदा सुव्यवस्था राखण्यासाठी अशा प्रकारच्या कारवाया पुढेही सुरूच राहणार आहेत," असा इशारा पोलीस प्रशासनाने दिला आहे.
📲Get App