🔥 TRENDING आज गुना जिले के लक्ष्मी नारायण मंदिर म... બુટલેગર વર્ડ 27 ના ખાસ પરિષદને 19 લાખ... बदमाशों ने किया रेस्टोरेंट में तोड़फोड... चकिया रेलवे स्टेशन के पास लड़की पर बुर... भोर तालुक्यात कार्तिक शुक्ल नवमीला आवळ... Travel and Leisure Asia Reveals 'Guard...
20 Nov 2026•
ગુજરાતી मराठी ਪੰਜਾਬੀ বাংলা
Crime

लाच प्रकरणात मुख्य अभियंता प्रमोद ओंबासे यांना १४ दिवसांची न्यायालयीन कोठडी

✍️ Reporter: Anil Mallav 🗓 03 Nov 2026, 12:09 AM 👁 299
Share: 💬 WhatsApp 📘 Facebook 𝕏 Post

महापालिकेतील ठेकेदाराच्या कामांच्या फाईलवर स्वाक्षरी करण्यासाठी तसेच बिलांच्या प्रक्रियेसाठी लाचेची मागणी केल्याचा आरोप

लाच प्रकरणात मुख्य अभियंता प्रमोद ओंबासे यांना १४ दिवसांची न्यायालयीन कोठडी

3 नोव्हेंबर 2026 : पिंपरी चिंचवड महानगरपालिकेचे मुख्य अभियंता प्रमोद ओंबासे यांच्याविरोधातील कथित लाच प्रकरणात न्यायालयाने त्यांना १४ दिवसांची न्यायालयीन कोठडी सुनावली आहे. त्यानंतर ओंबासे यांची येरवडा मध्यवर्ती कारागृहात रवानगी करण्यात आली असल्याची माहिती समोर आली आहे.

महापालिकेतील ठेकेदाराच्या कामांच्या फाईलवर स्वाक्षरी करण्यासाठी तसेच बिलांच्या प्रक्रियेसाठी लाचेची मागणी केल्याचा आरोप ओंबासे यांच्यावर करण्यात आला आहे. संबंधित ठेकेदाराकडून सुरुवातीला ४५ हजार ७८५ रुपयांची मागणी झाल्याची तक्रार करण्यात आली होती. त्यानंतर तडजोडीत १९ हजार रुपये स्वीकारल्याचा आरोप आहे. या प्रकरणी ठेकेदाराने लाचलुचपत प्रतिबंधक विभागाकडे तक्रार दाखल केली होती.

तक्रारीची पडताळणी केल्यानंतर लाचलुचपत प्रतिबंधक विभागाच्या पथकाने सापळा रचून कारवाई केली आणि ओंबासे यांना ताब्यात घेतले. त्यानंतर चौकशीसाठी त्यांना पोलिसांच्या ताब्यात घेण्यात आले. पुढील तपासासाठी त्यांना न्यायालयात हजर करण्यात आले.

सुरुवातीला न्यायालयाने एक दिवसाची पोलीस कोठडी सुनावली होती. पोलीस कोठडीची मुदत संपल्यानंतर त्यांना पुन्हा न्यायालयात हजर करण्यात आले. यावेळी न्यायालयाने १४ दिवसांची न्यायालयीन कोठडी मंजूर केली. त्यानंतर त्यांची येरवडा मध्यवर्ती कारागृहात रवानगी करण्यात आली.

दरम्यान, महापालिकेच्या वरिष्ठ अधिकाऱ्यावर झालेल्या या कारवाईमुळे पिंपरी-चिंचवडच्या प्रशासकीय वर्तुळात खळबळ उडाली आहे. या प्रकरणाचा पुढील तपास लाचलुचपत प्रतिबंधक विभागाकडून सुरू असून, तपासातून आणखी कोणती माहिती समोर येते याकडे लक्ष लागले आहे.
📲Get App