🔥 TRENDING एटा में नई नायब तहसीलदार बनीं प्रतीक्ष... बहराइच में एसपी विश्वजीत श्रीवास्तव ने... ଆସନ୍ତା ସୋମବାର ଯାଏଁ ଗୃହ ମୁଲତବୀ 57th IFFI Opens Today in Goa with Gran... Yogi Adityanath Challenges Akhilesh Ya... Election Commission Shifts Electoral R...
20 Nov 2026•
ગુજરાતી मराठी ਪੰਜਾਬੀ বাংলা
Local

भोरमधील 141 वर्ष जुना दगडी पुल रस्त्याच्या रुंदीकरणामुळे पाडला

✍️ Reporter: किरण सदाशिव आंबिके 🗓 06 Nov 2026, 07:04 PM 👁 375
Watch on: ▶️ YouTube
Share: 💬 WhatsApp 📘 Facebook 𝕏 Post

भोरच्या ऐतिहासिक रामबाग येथील 141 वर्ष जुना दगडी पुल, महाड‑पंढरपूर मार्गावरील रस्त्याचे रुंदीकरण व कॉंक्रिटीकरण कामामुळे तांत्रिक कारणास्तव पाडला, ज्यामुळे स्थानिक नागरिकांची नाराजी वाढली.

पुणे जिल्ह्याच्या भोर शहरातील रामबाग परिसरातील 141 वर्ष जुना दगडी पुल आज पाडला गेला. महाड‑पंढरपूर मार्गावरील शिरवळ‑महाड या 80 किलोमीटर लांबीच्या रस्त्याचे रुंदीकरण व कॉंक्रिटीकरण काम सुरू असल्यामुळे हा निर्णय घेण्यात आला. प्रशासनाने सांगितले की पुलाला धोका नसला तरी तांत्रिक कारणास्तव पाडणे आवश्यक होते.

हा पुल 8 डिसेंबर 1885 रोजी बॉम्बे प्रांताचे गव्हर्नर लॉर्ड रिये यांच्या हस्ते उद्घाटन झाला. मुंबईचे अभियंता विश्वास नाईक यांनी 20,000 रुपये खर्चात हा दगडी पुल बांधला, असे कोनशिलेवरील नोंदी दर्शवितात. पुलाच्या वरच्या बंधाऱ्यातून भोर शहराला सायफन पद्धतीने विजेशिवाय शुद्ध पाणीपुरवठा केला जात असे, आणि राजवाड्यासमोर कारंजेही याच पाण्यावर चालत होते. याबरबार येथील रामबाग ओढ्यावर किती ठिकाणी दगडी हौद यांच्यावर 24 तास पाणी चालू असायचे. असा रामबाग ऐतिहासिक पूल हा नामशेष करण्यात येत आहे.

ऐतिहासिक ठेवा जतन करावा, अशी मागणी इतिहासप्रेमी व भोरवासीयांकडून होत होती. पुल पाडण्याविरुद्धही विरोध व्यक्त करण्यात आला, परंतु काम सुरू राहिल्यामुळे पुल पाडला गेला. यामुळे स्थानिक नागरिकांमध्ये नाराजी आणि असंतोष वाढला.

या घटनाक्रमाचा आढावा घेण्यासाठी आमचे प्रतिनिधी किरण आंबिके यांनी ठिकाणाहून माहितीचे व्हिडिओ व माहिती घेतली.
📲Get App