🔥 TRENDING West Bengal Board Announces HS 3rd Sem... পিয়ালি রাশ ও গ্রামীন মেলা প্রশাসনিক স... Severe Cyclonic Storm Akvan Nears Indi... Tejashwi Yadav Slams Bihar Government... Bihar Law Department Opens 2026 Recrui... Bihar Launches New Police Data Centre,...
20 Nov 2026•
ગુજરાતી मराठी ਪੰਜਾਬੀ বাংলা

VIDEO: ರಾಯಚೂರು SC/ST ನ್ಯಾಯ ಸಭೆಯಲ್ಲಿ ADGP ಎದುರೇ ಸಿಡಿದೆದ್ದ ದಲಿತ ಮುಖಂಡ - "ಇಂದಿಗೂ ಗುಡಿ, ಹೋಟೆಲ್, ಕಟಿಂಗ್ ಅಂಗಡಿಯಲ್ಲಿ SC/STಗೆ ತಾರತಮ್ಯ, ಭುವನಂದನ ಕೊಲೆಯಾಗಿ 3 ತಿಂಗಳಾದರೂ ಬಂಧನವಿಲ್ಲ"

✍️ Reporter: Ningappa 🗓 03 Nov 2026, 02:52 PM 👁 75
Share: 💬 WhatsApp 📘 Facebook 𝕏 Post

ರಾಯಚೂರು ಜಿಲ್ಲಾ SC/ST ಸಾಮಾಜಿಕ ನ್ಯಾಯ ಸಭೆಯಲ್ಲಿ ಮಾದಿಗ ಮುಖಂಡ ಯಲ್ಲಪ್ಪ ಅವರ ಆಕ್ರೋಶ ಭರಿತ ಭಾಷಣದ ವಿಡಿಯೋ ವೈರಲ್ - ADGP ಹರೀಶೇಖರನ್ IPS, ಜಿಲ್ಲಾಧಿಕಾರಿ ಪೂವಿತ್, ಎಸ್ಪಿ ಅರುಣಾಂಶು ಗಿರಿ ವೇದಿಕೆಯಲ್ಲಿ ಇರುವಾಗಲೇ ಅಸ್ಪೃಶ್ಯತೆ, ಜಾತಿ ತಾರತಮ್ಯ ಮತ್ತು ಭುವನಂದನ ಕೊಲೆ ಪ್ರಕರಣದಲ್ಲಿ ವಿಳಂಬದ ಬಗ್ಗೆ ಪ್ರಶ್ನೆ - ನೋಡಿ ವಿಡಿಯೋ

ರಾಯಚೂರು SC/ST ಸಭೆಯಲ್ಲಿ ADGP ಎದುರೇ ದಲಿತ ಮುಖಂಡನ ಆಕ್ರೋಶ - "ಈ ಜಾತಿಯಲ್ಲಿ ಹುಟ್ಟಿದ್ದು ತಪ್ಪಾ?"*

ರಾಯಚೂರು, ನ. 3: ರಾಯಚೂರು ಜಿಲ್ಲಾಡಳಿತ ಆಯೋಜಿಸಿದ್ದ ಜಿಲ್ಲಾ ಪರಿಶಿಷ್ಟ ಜಾತಿ ಪರಿಶಿಷ್ಟ ಪಂಗಡಗಳ ಸಾಮಾಜಿಕ ನ್ಯಾಯ ಸಭೆಯಲ್ಲಿ ಅಭೂತಪೂರ್ವ ದೃಶ್ಯ ಕಂಡುಬಂದಿದೆ. ವೇದಿಕೆಯಲ್ಲಿ ನಾಗರಿಕ ಹಕ್ಕು ಜಾರಿ ನಿರ್ದೇಶನಾಲಯದ ADGP ಪಿ. ಹರೀಶೇಖರನ್ IPS, ಜಿಲ್ಲಾಧಿಕಾರಿ ಪೂವಿತ್ ಎಸ್, ಪೊಲೀಸ್ ಅಧೀಕ್ಷಕ ಅರುಣಾಂಶು ಗಿರಿ ಸೇರಿದಂತೆ ಹಿರಿಯ ಪೊಲೀಸ್ ಅಧಿಕಾರಿಗಳು ಕುಳಿತಿದ್ದರೆ, ಕೆಳಗೆ ಸಭಿಕರ ಸಾಲಿನಿಂದ ಎದ್ದು ಬಂದ ಮಾದಿಗ ಸಮುದಾಯದ ಮುಖಂಡ ಯಲ್ಲಪ್ಪ ಅವರು ಮೈಕ್ ಹಿಡಿದು ಸರ್ಕಾರ ಮತ್ತು ವ್ಯವಸ್ಥೆಯನ್ನೇ ಪ್ರಶ್ನಿಸಿದರು. ಆ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ವಿಡಿಯೋದಲ್ಲಿ ಏನಿದೆ?
"ನನ್ನ ಹೆಸರು ಯಲ್ಲಪ್ಪ, ಮಾದಿಗ ಸಮುದಾಯದ ಮುಖಂಡ. ಈ ದೇಶದಲ್ಲಿ ಅಸ್ಪೃಶ್ಯತೆ ಇದೆ ಎಂದು ಎಲ್ಲರಿಗೂ ಗೊತ್ತಿದೆ. ಪೊಲೀಸ್ ಇಲಾಖೆಯ ಎಲ್ಲಾ ಅಧಿಕಾರಿಗಳಿಗೆ ಗೊತ್ತಿದೆ ಎಲ್ಲಿ ಅಸ್ಪೃಶ್ಯತೆ ಇದೆ, ಎಲ್ಲಿ ಜಾತಿ ವ್ಯವಸ್ಥೆ ಇದೆ, ಎಲ್ಲಾ ರಾಜಕಾರಣಿಗಳಿಗೆ ಗೊತ್ತಿದೆ. ಆದರೂ ಕೂಡ ಆ ಗುಡಿ-ಗುಂಡಾರ, ಹೋಟೆಲ್ ಗಳಲ್ಲಿ, ಕಟಿಂಗ್ ಅಂಗಡಿಗಳಲ್ಲಿ SC/ST ಗಳು ಬರಬಾರದು ಅಂತ ಹೇಳಿ ತಾರತಮ್ಯ ಮಾಡಲಾಗುತ್ತಿದೆ.

ಈಗಾಗಲೇ ಒಬ್ಬ ಮಾದಿಗ ಸಮುದಾಯದ ಯುವಕ ಭುವನಂದನ ಕೊಲೆ ಮಾಡಲಾಗಿದೆ. 04-08-2026 ರಂದು ಕೊಲೆಯಾಗಿದೆ, ಇವತ್ತು 03-11-2026 ಆದರೂ 3 ತಿಂಗಳು ಕಳೆದಿದೆ, ಆದರೂ ಆರೋಪಿಗಳನ್ನು ಬಂಧಿಸಿಲ್ಲ. ರಾಯಚೂರು ಜಿಲ್ಲೆಯಲ್ಲಿ ಸರಣಿ ಕೊಲೆಗಳು ಆಗಿವೆ, ತಮ್ಮ ಇಲಾಖೆಗೆಲ್ಲ ಗೊತ್ತಿದೆ.

ನಾವು ಹೊರಗಡೆ ಹೋಗಬೇಕು ಅಂದರೆ ಜೀವಭಯದಿಂದ ಓಡಾಡಬೇಕು. ಯಾಕೆಂದರೆ ನಾವು ಈ ಜಾತಿಯಲ್ಲಿ ಹುಟ್ಟಿದ್ದು ತಪ್ಪಾ? ಈ ದೇಶದಲ್ಲಿ ಜಾತಿ ವ್ಯವಸ್ಥೆ ಮುಕ್ತವಾಗಬೇಕು. SC/STಗೆ ಸರಿಯಾಗಿ ಸೌಲಭ್ಯ ಸಿಗಬೇಕು. ಪ್ರತಿಯೊಂದು ಹಳ್ಳಿಗೆ ತಾವು ವಿಸಿಟ್ ಕೊಡಬೇಕು" ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದರು.

ಸಭಾಂಗಣದಲ್ಲಿ ನೂರಾರು ದಲಿತ ಸಂಘಟನೆಗಳ ಮುಖಂಡರು, ಗ್ರಾಮಸ್ಥರು ಇದ್ದರು. ಯಲ್ಲಪ್ಪ ಅವರ ಮಾತು ಮುಗಿಯುತ್ತಿದ್ದಂತೆ ಸಭಿಕರಿಂದ ಚಪ್ಪಾಳೆ ಮತ್ತು ಬೆಂಬಲ ವ್ಯಕ್ತವಾಯಿತು.

*ಅಧಿಕಾರಿಗಳ ಪ್ರತಿಕ್ರಿಯೆ:*
ಯಲ್ಲಪ್ಪ ಅವರ ಆರೋಪ ಕೇಳಿದ ADGP ಹರೀಶೇಖರನ್ ಅವರು ಸಂಬಂಧಪಟ್ಟ ಪ್ರಕರಣದ ತನಿಖೆಯ ಬಗ್ಗೆ ಮಾಹಿತಿ ಪಡೆದು ತ್ವರಿತ ಕ್ರಮಕ್ಕೆ ಸೂಚನೆ ನೀಡುವುದಾಗಿ ಭರವಸೆ ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ರಾಯಚೂರು ಜಿಲ್ಲೆಯಲ್ಲಿ ಇತ್ತೀಚೆಗೆ ದಲಿತರ ಮೇಲಿನ ದೌರ್ಜನ್ಯ ಮತ್ತು ಕೊಲೆ ಪ್ರಕರಣಗಳು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಈ ಸಭೆ ಮಹತ್ವ ಪಡೆದುಕೊಂಡಿತ್ತು.
📲Get App