🔥 TRENDING માધુપુર બંદર: નાની બોટ અને જાર તોરી વચ... माननीय मुख्यमंत्री योगी आदित्यनाथ की प... Cyclone Akvan Triggers Orange Rain Ale... Youth Congress Camps Clash in Bihar Af... PM Modi's Bihar Visits Signal New Deve... Constitutional Bar on Holding Two Offi...
20 Nov 2026•
ગુજરાતી मराठी ਪੰਜਾਬੀ বাংলা
तापी नदीपात्रात मृतदेह; रुमालाने बांधलेल्या अवस्थेत आढळल्याने शहाद्यात खळबळ

तापी नदीपात्रात मृतदेह; रुमालाने बांधलेल्या अवस्थेत आढळल्याने शहाद्यात खळबळ

✍️ Reporter: Maheshprasad Ramkrishnaprasad Dixit 🗓 16 Sep 2026, 12:14 PM 👁 104
Share: 💬 WhatsApp 📘 Facebook 𝕏 Post
विभागीय प्रतिनिधी

नंदुरबार : शहादा तालुक्यातील सारंगखेडा येथे तापी नदीपात्रात एका युवक आणि अल्पवयीन युवतीचे मृतदेह आढळून आल्याने परिसरात खळबळ उडाली आहे. मंगळवारी सकाळी नऊ वाजेच्या सुमारास मासेमारीसाठी गेलेल्या स्थानिक नागरिकांना हे मृतदेह दिसले. त्यांनी तात्काळ पोलिसांना याची माहिती दिली.

माहिती मिळताच पोलिसांनी घटनास्थळी धाव घेत दोन्ही मृतदेह नदीबाहेर काढले. विशेष म्हणजे दोन्ही मृतदेह एकमेकांना रुमालाने बांधलेल्या स्थितीत होते.

पोलिस तपासात दोघेही धुळे जिल्ह्यातील शिंदखेडा तालुक्यातील रहिवासी असल्याचे निष्पन्न झाले आहे. या प्रकरणी अल्पवयीन मुलगी बेपत्ता झाल्याची आणि तिला फूस लावून पळवून नेल्याची तक्रार आदल्याच दिवशी शिंदखेडा पोलीस ठाण्यात दाखल करण्यात आली होती.

घटनेची माहिती मिळताच दोन्ही कुटुंबीय घटनास्थळी दाखल झाले असून त्यांनी मृतदेहांची ओळख पटवली आहे. या घटनेमुळे परिसरात हळहळ व्यक्त होत असून पोलिस पुढील तपास करत आहेत.
📲Get App