🔥 TRENDING Anushka Shetty Sells Hyderabad Residen... Actress Sreeleela’s Telugu film hiatus... Democratic Lawmakers Link US Funding B... Government to Establish Central Author... Tripura SW & SE Minister pledges maste... Siberian migratory birds spotted acros...
20 Nov 2026•
ગુજરાતી मराठी ਪੰਜਾਬੀ বাংলা
Crime

બોગસ ડૉક્ટરને એવોર્ડ: નવસારી SOG દ્વારા પકડાયેલા શખ્સને સન્માનિત કરતાં વિવાદ, આયોજકોએ એવોર્ડ પરત ખેંચ્યો

✍️ Reporter: Maheta Dhavalkumar Jitendrabhai 🗓 29 Oct 2026, 10:33 PM 👁 77
Share: 💬 WhatsApp 📘 Facebook 𝕏 Post

નવસારી SOG દ્વારા વર્ષ 2024માં ધરપકડ કરાયેલા એક બોગસ ડૉક્ટરને રાજ્યના મંત્રીના હસ્તે 'આયુર્વેદ સેવા રત્ન' એવોર્ડ આપાતાં ભારે વિવાદ થયો હતો. તબીબી આલમના તીવ્ર વિરોધ બાદ આયોજકોએ તાત્કાલિક અસરથી એવોર્ડ પરત ખેંચી લીધો છે.

સુરતમાં બોગસ તબીબો સામે વહીવટી તંત્રની કડક કાર્યવાહીની માગ ચાલી રહી છે, ત્યારે નવસારી સ્પેશિયલ ઓપરેશન ગ્રૂપ (SOG) દ્વારા વર્ષ 2024માં ધરપકડ કરાયેલા એક બોગસ ડૉક્ટરને જાહેરમાં ઉત્કૃષ્ટ કામગીરી માટે એવોર્ડ અપાતાં ભારે હોબાળો સર્જાયો છે. આ ઘટનાએ તબીબી જગતમાં ચકચાર મચાવી છે.

પ્રાપ્ત માહિતી અનુસાર, નવસારી SOGએ જે શખ્સ સામે કાયદેસરનો ગુનો નોંધી જેલભેગો કર્યો હતો, તેને જ 4 ઓક્ટોબર 2026ના રોજ રાજ્યના મંત્રી પ્રફૂલ પાનશેરીયાના હસ્તે 'આયુર્વેદ સેવા રત્ન' એવોર્ડથી સન્માનિત કરાતાં તબીબી આલમમાં પ્રચંડ આક્રોશ ફાટી નીકળ્યો હતો. બોગસ ડૉક્ટરને સન્માનિત કરવાની બાબત ચર્ચાનો વિષય બની હતી.

આ મામલે તબીબી સંગઠનો અને અન્ય હિતધારકો દ્વારા તીવ્ર વિરોધ અને પ્રશ્નો ઉઠાવવામાં આવ્યા હતા. બોગસ ડૉક્ટરને એવોર્ડ આપાતાં થયેલા આ તીવ્ર વિરોધ અને સમગ્ર ભાંડો ફૂટ્યા બાદ આયોજકો પર દબાણ વધ્યું હતું. આખરે, આયોજકોએ પરિસ્થિતિની ગંભીરતાને ધ્યાનમાં રાખીને તાત્કાલિક અસરથી આ એવોર્ડ પરત ખેંચી લીધો છે.
📲Get App